Serok komar biryarnameya komarî ji bo Rêbwar Taha wek parêzgarê Kerkûk`ê der kir

PUKMEDIA

Serok komarê Êraq`ê û Parêzgarê Kerkûk`ê

Serok komarê Êraq`ê Dr. Letîf Reşîd li koşka Selam li bajarê Bexdayê; pêşwazî li Rêbwar Taha kir û biryarnameya komarî pêşkêşî wî kir bo damezarandina wî wek parêzgarê Kerkûk`ê.

Dosye ya Kerkûk`ê bê pirsgirêk e

Li gor daxuyaniyeke rojnamevanî ya serok komarê Êraq`ê ku wêneyek ji wê ji bo malpera fermî yê Yekîtî ya Nîştimanî ya Kurdisyan`ê (YNK`e) PUKMEDIA hatiye şandin; têde hatiye ku: Dr. Letîf Reşîd serok komarê Êraq`ê biryarnameya komarî ji bo Rêbwar Taha ji bo dest bi karbûna wî wek parêzgarê Kerkûk`ê der kir.

Serok Komar: Pir rengiya Kerkûk`ê sedema hêz û aramiyê ye

Di heyama pêşkêşkirina biryarnameyê de, serok komarê Êraq`ê ragihand ku pêwîste kar ji bo pêşkêşkirina baştirîn xizmetgûzarî ji bo hemî pêkhateyên Kerkûk`ê bê kirin, ji ber ku di dema bûrî de wî bajarî gelek êş kişandibû û tekez kir ku pir rengiya Kerkûk`ê egera hêz û aramiyê ye.

Rêbwar Taha: Ez parêzgarê hemî pêkhateyên Kerkûk`ê me

Li gor zanyariyên PUKMEDIA dosye ya Rêbwar Taha  parêzgarê nû yê kerkûk`ê ji bo Desteya Destpakiya Êraq`ê hatibû şandin , piştî encamdana hûrbînî û pêdaçûnê çi pirsgirêk têde ne bû, lewra li gor rêkarên yasayî û protokolî, îro serok komar biryarnameya komarî ji bo dest bi karbûna wî wek parêzgarê Kerkûk`ê der kir.

Piştî derkirina biryarnameyê jî, Rêbwar Taha parêzgarê Kerkûk`ê di kongreyeke rojnamevaniyê de got: Ez dibim parêzgarê hemî pêkahateyên Kerkûk`ê bi bê cudayî, û erkê min dê xizmetkirin û geşepêdan û avadanekirina bajêr be.

Piraniya endamên civatê Rêbwar Taha hilbijartin

Roja 10ê Tebax ya sala 2024 an li bajarê Bexda ya paytexta Êraq`ê civîna civata parêzgeha Kerkûk`ê bi amadebûna 9 endamên wê civatê bi rêve çû, û têde Rêbwar Taha wek parêzgarê Kerkûk`ê û Mihemd Hafiz jî wek serok Civata Parêzgeha Kerkûkê hatin hilbijartin.

Her weha 4 firaksyonên Kurd û Ereb û Kirîstiyan beşdarî wê hilbijartina roja 10ê Tebax`ê bûn, lê firaksyona Partî Demokrata Kurdistan`ê (PDK`ê) û Hevpeymana Erebî Rakan Cibûrî û Bereya Turkmen beşdarî wê civînê ne bûn, û dengên xwe nedan; ku ew hemî xwedanê 7 kursiyên civatê ne.

(Hevpeymaniya Kerkûk Hêz û Vîna Me Ye) herî zêde deng bi dest xistibû

Roja 18`ê heyva 12 ya sala 2023 an Hilbijartina Civata Parêzgehên Êraq`ê  ku di nav de Hilbijartina Civata Parêgeha Kerkûk`ê jî bi rêve çû, têde (Hevpeymaniya Kerkûk Hêz û Vîna Me Ye) ku di navbera YNK û Partiya Komuîst de bû, piraniya deng li ser asta parêzgehê bi dest xistin û hêza yekem bû ku xwedanê 157 hezar û 639 deng bûn; ku dike rêjeya ji sedî 43 dengên wê parêzgehê û bi wê yekê 5 kursî bi destxistin.

Bi awayekî giştî jî li Kerkûk`ê`kû ji koma tevaya lîst û qewareyên beşdar, Kurd 242716 deng wate 7 kursî, û Ereb 212089 deng wate 6 kursî û Turkmen 97870 deng wate 2 kursî û Mesîhî 1703 deng wate yek kursî bi destxistibûn, li gor istihqaqa hilbijartinê jî; Kurd postê parêzgarê Kerkûk`ê ber ketiye û pêkhateya Ereb jî serokê Civata Parêzgeha Kerkûk`ê ber ketiye.

PUKMEDIA

Wêneyê biryarnameya serok komarî ji bo parêzgarê nû yê Kerkûk`ê