Yekîtiya Niştimanî: Mafên hemû pêkhateyên Kerkûkê parastî ye

Kurdistan 01:57 PM - 2024-08-13

Encûmena parêzgeha Kerkûkê

Mekteba Siyasî ya Yekîtiya Niştimanî ya Kurdistanê pabendbûna xwe bi siyaset û nêzîkatiya serokê rihmetî Mam Celal ji bo pêkanîna pêkvejiyana aştiyane di navbera pêkhateyên din ên resen li parêzgeha Kerkûkê dupat kir.

Serokê Yekîtiya Niştimanî ya Kurdistanê Bafil Celal Talebanî di civîna polîtburoyê de tekez kir: Ev serkeftin û hilbijartina parêzgarê Kerkûkê û serokê encumena parêzgehê ne tenê serkeftina Yekîtiya Niştimanî û gelê Kurd e, belku ew destkefta xelkê parêzgeha Kerkûkê ye bi hemû pêkhateyan xwe, ji ber ku siyaseta Yekîtî berdewamkirina siyaseta serok Mam Celal e, ku hertim parastina mafên hemû pêkhateyan dikir ji Kurd, Ereb, Tirkmen û Xiristiyanan.

Di civînê de behsa girîngiya beşdariya hemû pêkhateyan di hikûmeta herêmî û rêveberiya dahatî ya Kerkûkê de hate kirin û tekez li ser vê yekê hate kirin ku birayên Tirkmen jî weke yên din cihê xwe di nava rêveberiya Kerkûkê de heye û Yekîtiya Niştimanî dê bibe berevankarê rast ê mafên wan.

Di civînê de, Mekteba Siyasî daxwaz ji hemû alî û aliyên beşdar di Encûmena Parêzgeha Kerkûkê de kir ku, îro dest ji nekokiyên aliyan berdin û bê cudahî di navbera pêkhateyan de dest bi proseya birêvebirin, xizmetkirin û nûavakirina Kerkûkê bikin û Yekîtiya Niştimanî ya Kurdistanê amade ye ku siyaseta gurzegul bişopîne.

Mekteba Siyasî di dawiya civînê de razî bû ku her çend posta Parêzgarê Kerkûkê li gorî mafê hilbijartinan pişka Yekîtiya Niştimanî ye, lê divê bêyî cudahiya xizmeta hemû pêkhateyan bike.

Beşa pêkhateyan parastî ye

 

Nûnera Yekîtiya Niştimanî Sebah Hebîb ji PUKMEDIA re ragihand: Mafê pêkhateyan li parêzgeha Kerkûkê parastî ye û pişka pêkhateya Tirkmen jî tê parastin.

Got jî: Rêveberiya nû ya Kerkûkê postê cîgirê yekem ê parêzgar û cîgirê yekem ê civata parêzgehê ji pêkhateya Tirkmenan re terxan kiriye û em kar bo parastina mafên hemû pêkhateyan dikin.

Siyaseta Serok Mam Celal

 

Nûner Sebah Hebîb dibêje: Em di Yekîtiya Niştimanî ya Kurdistanê de kar dikin bo pêkanîna siyaseta çepke gul bo Serok Mam Celal li parêzgeha Kerkûkê dikin.

Piştî wergirtina postê parêzgariyê ji aliya YNK ve dê kar ji bo xizmetkirina hemû pêkhateyên Kerkûkê bê cudahî bê kirin û berî kurdan xizmeta ereb û tirkmenan bike, biratî û pêkvejiyanê di navbera hemû pêkhateyên parêzgehê de bihêztir bike, pirsgirêkan bi ruhê biratî û yek tîm çareser bikin.

 

Em dev ji ti postê bernadin

Nûner Sebah Hebîb got: Yekîtiya Niştimanî bi rêkeftin û hevkarî ligel hemû pêkhateyên din kar li ser dabeşkirina hemû postan dike û Kurd jî Cîgirê Serokê Encûmena Parêzgehê ye.

Got jî: Yekîtiya Niştimanî ya Kurdistanê wek yekem serkeftiyê hilbijartinan, dê wek hemû pêkhateyan li gor mafê hilbijartinê para xwe ya yasayî werbigire û dest ji ti postên xwe yên mafdar bernedaye.

Mafên pêkhateyan parastî ye

Nûnerê Yekîtiya Niştimanî Kîlan Qadir ji PUKMEDIA'yê re ragihand: Ti pêkhateyek ji Kerkûkê nehate bêparkirin û kêmkirin û rûniştina Encûmena Parêzgehê jî bi awayekî yasayî û bi rêjeyeke giştî pêk hat.
Got jî: Endamên Encûmena Parêzgehê ji bo tikmenan post veqetandine û li gorî kaxeza danûstandinên ku pêşkêşî serokwezîr Mihemed Şeya Sûdanî kirin, cîgirê yekem ê parêzgarê Kerkûkê ji pişka birayên tirkmen in. û ti pêkhate Kerkûkê nayê paşguhkirin.

 

PUKMEDIA