Under Pas yê Farûqê Mele Mistefa li Silêmaniyê hat vekirin

Kurdistan 11:09 PM - 2024-08-11

Under Pas yî Farûqê Mele Mistefa li Silêmaniyê hat vekirin

Îro roja Yekşemê rêkefta 11-08-2024 an bi amadebûna Cîgirê Serok wezîrên Herêma Kurdistan`ê û Dr. Heval Ebo Bekir parêzgarê Silêmaniyê û Leyla Omer Seroka bajêrvaniya Silêmaniyê û sermayedar Fraûqê Mele Mistefa û hejmarek ji berpirsên hikûmî,Under Pas yê Farûqê Mele Mistefa hat vekirin, ku li ser erkê wî hatiye encamdan; ku wek diyariyekê pêşkêşî Silêmaniyê kiriye.

 Qubad Talebanî:Emê jêrxana pirojeyan li Silêmaniyê zêdetir pêş bixin

 

Cîgirê Serokwezîrên Herêma Kurdistan`ê Qubad Talebanî di merasîma vekirina Under Pas yê Farûqê Mele Mistefa de ji bo kenalên ragihandinê ragihand ku piroje gav bi gav li Silêmaniyê tên cî bi cîkirin û dikevin xizmeta welatiyan, ev jî ne yekem piroje û ne ya dawiyê ye ji bo vî bajarî.

Qubad Talebanî got: Em hewl didin jêrxana pirojeyan li Silêmaniyê zêdetir pêş bixin, bi awayekî ku hêjayî Silêmaniyê be, ji ber ku bajarekî wek Silêmaniyê ku azadî û aramî têde heye,piroje têde tên pêşxistin.

Seroka bajêrvaniya Silêmaniyê: Cî bi cîkirina pirojeyan derfeta kerên zêdetir peyda dikin

Di destpêka merasîmê de Leyla Omer Seroka Bajêrvaniya Silêmaniyê ragihand ku di vê demê de hejmarek piroje li bajarê Silêmaniyê bi piştevaniya Cîgirê Serok wezîrên Herêma Kurdistan`ê Qubad Talebanî çûne warê cî bi cîkirinê û pirojeya Under Pas ya Farûqê Mele Mistefa jî dê karasaniyek zêde ji bo hatûçûna welatiyan bike.

Aşkere jî kir ku cî bi cîkirina pirojeyên bi vî awayî derfetên kar ji bo akinciyên sinorê parêzgeha Silêmaniyê dabîn kiriye û liv xistiye nav bazarên kel û pelên avahîsaziyê.

 Dr. Heval Ebo Bekir: Bi sermaye û destê karên xwemalî piroje tên cî bi cîkirin

Her di merasîmê de parêzgarê Silêmaniyê gotarek pêşkêş kir û ragihand ku vekirina pirojeyan dê bandorek zêde li ser bajêr bike û hewldan di wê arasteyê de ne kertên taybet û giştî bi hevre ji bo xizmeta welatiyan kar bikin, hevdem hewl tên dayîn ku bi sermaye û destê karên xwemalî piroje bên cî bi cîkirin.

Aşkere jî kir ku dirustkirina Under Pas yê Farûqê Mele Mistefa pirojeyeke ji bo çakî û berjewediyn giştî ye, ne wek hindek pirojeyên din e ku ji bo pêdana parçeyek zevî yê giran buha hatibe encamdan.

Dr. Heval Ebo Bekir tekez kir ku Silêmanî aramtirîn bajarê Êaraq`ê ye û azdiyên li bajêr wusa kiriye ku ne razîbûn ji Silêmaniyê çavkaniyên xwe werbigirin, digel wê yekê partiyên nû li Silêmaniyê ji dayîk dibin, ev jî tê wateya ku azadî û aramî li tevaya bajêr heye, ev me germ dike ku em hewlên zêdetir ji bo xizmetgûzariyê û derfetên kar li Silêmaniyê  bidin.

Farûqê Mele Mistefa : Ev piroje diyareke ye ji bo bajarê Silêmaniyê

Her weha di merasîmê de Farûqê Mele Mistefa ragihand tevî ku ev piroje xwebexş bûye; diyariyeke ji bo bajarê Silêmaniyê, ku me dikarî di heyama salek û 9 heyvan de bi dawî bikin.

Her weha got: Under Pas ya Farûqê Mele Mistefa li jêr çavdêriya endazyar û karsazên xwemalî û bi teknîkeke serdemiyane û amêrên cûrên baş ku ji derveyî welat hatibûn anîn hatiye encamdan; û armanca min ewe ku di temenê xwe yê mayî de çendîn pirojeyên din pêşkêşî Silêmaniyê bikim.

 

PUKMEDIA