Wezareta Koçê 466 koçber vegerandin Nînewayê

Kurdistan 12:17 PM - 2024-07-31

Ragihandina wezareta Koç û Koçberiyê

Wezareta Koç û Koçberan a Êraqê 466 penaberên kampa Hesen Şam li Hewlêrê vegerandin malên wan li parêzgeha Nînewayê û dê ji her malbatekê re 4 cmilyon dînar terxan bikin.

Li gorî daxuyaniya Wezareta Koç û Koçberan a Êraqê ku wêneyek ji malpera fermî ya Yekîtiya Niştimanî ya Kurdistanê (PUKMEDIA) re şandiye, wiha dibêje: Vegerandina 466 penaberên kampa Hesen Şam li Hewlêrê bo parêzgeha Nînewa bi hemahengî ligel Fermandeya Operasyonên Nînewa wek beşek ji plana wezaretê ji bo bidawîkirina dosya penaberan bi bernameya piştevaniya hikûmetê.

Wezîrê amaje bi wê yekê jî kir ku kadroyên wezaretê araste kir ku alîkariyê bidin malbatên vegeriyane ji bo piştgirîkirina aramiyê li deverên vegerê, di heman demê de tekez kir ku wezaret berdewam e li ser karê xwe li gorî plansaziya cîbicîkirina rêkeftinê berdewame ji bo bidawîkirina dosya koçberiyên li welat bi temamî.

Li Silêmaniyê kampên koçberan hatin girtin

Wezareta Koç û Koçberan roja 11.07.2024ê di civîneke rojnamevaniyê de ragihand: Hemû kampên awareyan li parêzgeha Silêmaniyê hatine girtin em ê bixebitin ku hemû malbatên ku li dervayî kampan dijîn bi dildarî vegerin.
Wê herwiha got: Ew awareyên mayî li parêzgehên Hewlêr û Duhokê dijîn û ji aliyê Serokatiya Encumena Wezîran ve komîteyek ji bo gotûbêjkirina mekanîzmayên girtina hertimî ya kampan û dabînkirina hemû pêdiviyên pêwîst ji bo vegera awareyan bo warên xwe hat avakirin.


PUKMEDIA