Şefafiyet eşkere kir : Dahata hefteya borî nêzîkî 16 milyar dînar bû

PUKMEDIA

Daşbordê Şefafiyet

Dahata Silêmaniyê ji 20-7-2024 heta 26-7-2024, 15 milyar , 714 milyon , 365 hezar û 75 dînar bûye.Malpera Şefafiyet ya çavdêrî û rêkxistina dahatên ne petrolê yên Parezgehên  Silêmanî û Helebce û her du îdareyên Raperîn û Germiyanê, ku  heftane 15 milyar ,714 milyon , 365 hezar û 75 dînar ragihand, ji wê  %85ê dahat bi pere û %15ê dahat ji  hatina di forma çekan e.

Qubad Talebanî pêşengê Zelalbûnê ye di dahat de

Piştî 30 salên desthilatdariya Kurd li Herêma Kurdistanê, Qubad Talebanî Cîgirê Serokwezîrê Hikûmeta  Herêma Kurdistanê, roja 15.12.2022ê projeyek ji bo şefafiyeta hinartina neftê li parêzgehên Silêmanî û Helebce û Rêveberiyên Germiyanê û Raperînê  ragihand ku di vî warî de yekemîn e li Kurdistan û Iraqê bi giştî.

Ev proje di nav derdorên Kurdistanê de bi awayekî berfireh hate pêşwazîkirin û daxwaz kirin ku ew proje bi giştî were kirin û ji hemû herêmên Kurdistanê ku îthalata neftê lê heye  jî hebe.
Qubad Talebanî di axaftina xwe ya li ser ragihandina projeyê de got: “Ez projeyek girîng radigihînim, ew jî projeya şefafiyeta hinardekirina neftê ye.”

Pêwîste Zelalbûn bibe malê hemû Kurdistan

Got jî: Zelalbûn bernameyeke ku hemû hinardekirina neftê li parêzgehên Silêmanî û Helebce û îdareya Raperîn û Germiyanê dihewîne, ku rojane bi şefafîyeteke temam tên komkirin û tomarkirin daku her kes li her demê hûrgilîyên wan hinardekirinê bibîne bi rêya malpera shafafiat.com.”

Cîgirê  serokwezîr di berdewamiya axaftina xwe de got: Ev bîr û hizra hanê derketiye holê ji ber ku şefafiyet bingeha bingehîne ji bo peydabûna pêbaweriyê di navbera hemwelatiyan û her desthilateke siyasî li cîhanê, lewra girînge hûn lê binêrin.

Li gor nûhtirîn amara malpera https://shafafiat.com/ biryare hemû rojekê dahata van şûnan bê belavkirin.

PUKMEDIA