Şêx Cafer: Divê hilbijartin bê pirsgirêk bên kirin

Kurdistan 05:22 PM - 2024-07-24

Şex Cefer û Wefda Eskerî

Serokê Encumena Parastina Berjewendiyên Bilind ên Yekîtiya Niştimanî ya Kurdistanê (YNK) Şêx Cefer Şêx Mistefa ragihand ku divê proseya hilbijartinan bi awayekî baş û bê pirsgirêk birêve biçe.

Serokê Encumena Parastina Berjewendiyên Bilind ên YNK  pêşwaziya şandeke Mekteba Rêkxistina Silêmanî-Helebce-Raperîn PDK bi serokatiya  endamê mekteba siyasî Elî Husên kir.

Girîngî li ser berdewamkirina peywendiyan hate kirin

Di hevdîtinê de Serokê şanda mîhvan tekez li ser berdewamiya peywendiyên navbera Yekîtiya Niştimanî ya Kurdistanê (YNK) û Partiya Demokrata Kurdistanê (PDK) li ser hemû astên Herêma Kurdistanê û Iraqê kir.

Hewl bidin partiyan nêzî hev bikin

Ji aliyê xwe ve Cefer Şêx Mistefa serokê Encûmena Parastina Berjewendiyên Bilind tekez li ser baweriya xwe ya bê guhertin bi yekrêzî û pêkvejiyana di navbera aliyên siyasî yên herêmê de û pirsa hevkariyê kir û got: “Divê her kes bi hev re kar bike û hewl bide ku hemû aliyên siyasî   nêzî hev dibin." Her wiha got: “Hikûmet bi tenê bi partiyekê nayê kirin û divê YNK û PDK bi hev re kar bikin.

PUKMEDIA