Letîf Nêrweyî: Piştî 20 salan PDK dixwaze siyaseteke şaş bişopîne

PUKMEDIA

Letîf Nêrweyî

Berpirsê Desteya Ragihandinê ya YNK’ê di axaftina xwe ya li ser mijara rêveberiya Kerkûk û Nînowa de wiha got: “Piştî nêzîkî 20 salan ji şopandina siyaseteke şaş û bêparkirina YNKê ji Nînowa, PDK dixwaze heman siyasetê ji bo Kerkûkê jî bikar bîne û heman xeletiyê dubare bike.’’

Berpirsê Desteya Ragihandinê ya Yekîtiya Niştimanî ya Kurdistanê (YNK) Letîf Nêrweyî di gotarekê de bi sernavê (Pirsgirêka îdareya Kerkûk û Nînowa di navbera pirsgirêk û çareseriyan de) ku li ser malpera fermî ya YNKê PUKMEDIA hatiye belavkirin, ragihand: ‘’Piştî nêzîkî 20 salan ji şopandina siyaseteke şaş û bêparkirina YNKê ji pişka xwe li Nînowayê, PDK dîsa jî dixwaze li Kerkûkê heman siyaseta Nînowa bişopîne, bêyî ku bifikire ku rewşa niha cuda ye û ti mantiq qebûl nake ku du kursî çarenivîsa şeş kursiyan diyar bikin û ji ber ku rast e YNK li pişka ti hêz û pêhatekî nanêre, lê amade nîne dest ji kursî û mafên dengdêrên xwe berde.”

Di beşeke din ya axaftina xwe de wiha got:’’Ev hewlên PDKê ne tenê dê negihêjin mafên rewa yên gelê kurd li her du parêzgehan, belku dê zêdetir nav mala kurdan de parçe bike û PDK bi xwe jî dê li Kerkûk û Nînowa pozîsyona xwe ya berê ji dest bide û şert û mercan çêdike ku pêkhatên din jî li ser hesabê kurdan daxwaza pareke zêdetir ji mafên xwe bikin.’’

PUKMEDIA