PUKMEDIA jimare û rêjeya namzedên Yekîtî li bazneyan belav kir

PUKMEDIA

Logoya Yekîtî

Namzedên Yekîtiya Niştimanî ya Kurdistanê ji bo xola şeşemîn a hilbijartinên 172 namzed in û hejmara herî zêde ya namzedan li Silêmaniyê ye ku 72 namzed hene û rêjeya %30 ji namzedan jin in.

Li gor amarên Buroya Hilbijartinê ya Yekîtî ku dest PUKMEDIA ketine dibêje ku: YNKê bo xola şeşem a parlamentoyê 172 namzed hene ji wan 72 namzed li Silêmaniyê, 64 li Hewlêrê, 30 namzed li Duhokê û 6 jî li Helebce ne.

Her weha li her bazneyekê serokê list heye, Şalaw Kosret Resûl bo Hewlêrê û Mîran Mihemed bo Silêmanî û Alî Oremarî ji bo Duhokê û Barzan Osman ji bo Helebce.

Li gorî amarên ku ji PUKMEDIA re hatine şandin dibêje ku rêjeya namzedên jin di lîsteyên YNKê de zêdetirî %30 e û di nav namzedan de 63 namzed jin in.

Li Hewlêrê 24 namzed, li Silêmaniyê 26 namzed, li Duhokê 10 û li Helebce jî 3 namzed hene.

Roja 26-6-2024, Serokê Herêma Kurdistanê pêncemîn biryara herêmî bo diyarkirina roja nû ya civîna şeşemîn ya hilbijartinên Parlamentoya Kurdistanê diyar kir ku di 20-10-2024 de ye û amadekariyên Komîsyona Bilind a Serbixwe ya Hilbijartinan bo lidarxistina hilbijartinan berdewam e.

PUKMEDIA