Pêşmergeyên wehmî û bindîwar pirsgirêk di mûçe de çêkirine

Kurdistan 01:29 PM - 2024-07-18

Pêşmergeyên Kurdistan

Endamekî komîteya darayî ya Encûmena Nûnerên Êraqê ragihand: Di lîsteya mûçeyên Wezareta pêşmerge de zêdetirî 23 hezar pêşmergeyên bindîwar, sexte û biyanî hene û ev jî bûye sedema paşxistina mûçeyên wan ji aliyê hikûmeta Federal ve. Hêzên 70 di daxuyaniyekê de amaje bi wê yekê kir ku di nava hêzên me de ti pêşmergeyên sexte, bindîwar û biyanî nînin û ji ber agahî û zanyariyên ne zelal em amade nîn mûçeyên hêzên xwe paşde bixin û eger pêwîst bike emê lîsteya mûçeyan rasterast ji hikûmeta federal re bişînin.

Cîgirê serokê komîteya pêşmerge di xula pêncem yê parlemana kurdistanê amaje bi wê kir ku: Li ser navê piraniya parlementeran rê li me dihate girtin û astengkirin ku lîsteya mûçeyê hêzên Pêşmerge were çaksazîkirin, lê hêzên 70 jî di vê çaksaziyê de piştevaniya me kirin.

Gaveke baş û yasayî

 

Nûnerê komîteya darayî li Civata Nûneran Soran Omer ji PUKMEDIA re ragihand: Pêngava hêza 70 ya ji bo şandina mûçeyên endamên xwe yên ji hêzên pêşmerge ji wezareta darayî ya hikûmeta Federalî re biryareke başe û pêngavek yasayî ye ku bi biryara dadgeha federalî re hevaheng e.

Got jî: Li gor biryara dadgeha federalî her dezgehek dikare lîsta mûçeyên fermanberên xwe bişîne bêyî ku vegere hikûmeta herêma Kurdistanê û mûçeyê karmendan li bankên hikûmetê tê danan û mûçeyên wan bi berdewamî û bê derengxistin tên dayîn.

Navên wehmî

 

Sîrwan Omer dibêje: Sedema paşxistina mûçeyên pêşmerge û hêzên ewlekariyê ne şandina navên endamên asayîşê ji aliyê hikûmeta Herêma Kurdistanê ve bo hikûmeta federal bû û lêkolîna lîsteyan heta niha berdewam e.

Got jî: Li gor raporta Dezgeha Çavdêrîya Darayî ya Federalî, di mûçeyên endamên hêzên ewlekarîyê de navên kesên wehmî û navên dubare hene û li gor raporta tenê di Wezareta Pêşmerge de nêzîkî 23 hezar navên dubare û navên wehmî hene ji bilî hebûna hêzên ne Êraqî.

Hewl tên dayîn ku pirsgirêkê çareser bikin

 

Cîgirê serokê komîteya Pêşmergeyên Kurdistanê Osman Kerîm Siware di civîna berê ya Parlamentoya Kurdistanê de ji PUKMEDIA re ragihand: Me di rûniştina borî ya Parlamena Kurdistanê de gelek hewl da ku pirsa navên ducarî û biyaniyan di lîsteyên wezareta pêşmerge de çareser bikin lê mixabin fireksiyoneke din li hember van hewldanan rawestiya.


Got jî: Li herêma Kurdistanê gelek ciwan û zarokên şehîdan hene ku bên erkdarkirin û ev yek ji bo me baştir e, li şûna xerckirina pereyan ji bo hêzên wehmî, biyaniyan û hêja.

Di nava refên hêzên Yekîtiya Niştimanî de kesekî wehmî nîne

Osman Kerîm Siware dibêje: Me li Parlemana Kurdistanê gelek serdan bo serkirdayetiya hêzên 70 û hêzên din ên ser bi Yekîtiya Niştimanî ya Kurdistanê kirine û me ti pêşbînî li ser wan hêzan nedît û serkirdeyatiyê navên endamên xwe dane me û ji bo pişkinîna lîsteyan bi temamî amade bû, û me ti navên wehmî û xeyalî û biyanî di nav de nedîtin û em dikarin piştrast bikin ku di nav yekîtî de ti hêzek wehmî tine ye.

Got jî: Me serdana Hêza 80 jî kir, lê mixabin bersiva wan ne di asta pêwîst de bû û ew zanyariyên ku me dixwest em bibînin ji me re eşkere nekirin, pêwîstiya me bi yekkirina hêzên pêşmerge heye û ldivê îsteyên mûçeyên wan ji navên sexte û biyanî bêne paqijkirin.

 

Daxuyaniya Fermandariya Hêzên 70

 

Ji aliyê xwe ve fermandeyê hêza 70ê daxuyaniyek derbarê mûçeyên hêzên Pêşmerge û rêyên paşxistina wan weke mehên borî belav kir û tê de tekez kir ku ew amade ne ji bo hewlên bidestveanîna destkeft û mafên hêza Pêşmerge di dema xwe de heta ku bighîne şandina lîsteyên hêzên 70 rasterast ji bo Wezareta darayiya federal û ev nivîsa daxuyaniyê ye:

Xerckirina mûçeyên mehên Gulan û Hezîranê ji bo hêzên ewlehî û hêzên Pêşmerge wek sûdmendiya darayî ya mehane li beramber erkê parastina Herêma Kurdistanê û rûbirûbûna metirsiyên terorîstan li Êraqê, cihê kêfxweşiyê ye û dê bibe alîkar ji bo handana Pêşmerge bo cîbicîkirina erkên xwe di xizmetkirina welat de.

Em hêvîdar in ku êdî di navbera wezaretên darayî yên herêma Kurdistan û Êraqê de astengî li pêşiya vê proseyê dernekevin.
Bi vê boneyê em di serkirdayetiya Hêzên 70 ya Pêşmergeyên Kurdistanê de ji her kesî re radigihînin ku di nav hêzên serkirdayetiya me de ti navek ku neteweya welatekî din ji bilî neteweya Êraqî hebe û navekî wehmî tune ne, bi taybetî piştî bidawîbûna pêvajoya tomarkirina biyometrîk.

Ji ber vê yekê em bi zelalî radigihînin ku em amade ne lîsteya mûçeyan bi navên pêşmergeyên xwe bi tevahî agahî û belgeyên pêwîst ji bo mûçeyên meha Tîrmehê pêşkêşî bikin û êdî em ne amade ne mûçe û debara jiyana malbatên Pêşmerge dîl bikin ber agahî û daneyên nezelal ku ti pêwendiya wan bi hêzên me re nîne. Ger wezareta darayî ya Federal lîsteyên me rasterast bibe jî, me hemû amadekariyên şandina wan kirine û gumana me ji rastbûna agahî û daneyên me nîne.

 

PUKMEDIA