YNKê: Emê bi 173 berbijêran beşdarî hilbijartinan bibin

PUKMEDIA

Saadî Ehmed Pîra

Yekîtiya Niştimanî ya Kurdistanê (YNK) 173 berbijêrên gera şeşem a hilbijartinên Parlamentoya Herêma Kurdistanê eşkere kir û di vê derbarê de berdevkê YNKê got:’’Di vê pêvajoyê de wê encamên hilbijartinê cuda bin û pêşî li sextekariyê bê girtin.’’

Li gorî Ofîsa Ragihandinê ya Berdevkê Yekîtiya Niştimanî ya Kurdistanê (YNK) Saadî Ehmed Pîre ji PUKMEDÎA re şandiye hat ragihandin :’’Yekîtiya Niştimanî ya Kurdistanê (YNK) 173 namzedên hilbijartinên parlamentoyê eşkere kir ku li Hewlêrê Şalaw Kosret Resûl serokê lîsteyê ye, ji bo Silêmaniyê Dr. Mîran Mihemed e û ji bo Helebce jî Barzan Osman e û Elî Oremarî jî ji bo Duhokê ye. 

Di berdewamiya axaftina xwe de got: “Parçekirina herêman li ser çar deveran karekî girîng bû ji bo gera şeşem a parlamentoya Kurdistanê û ew yek jî li gor pirensîpên demokrasiyê ye û dê encamên hilbijartinan cuda bin û bi temamî rê li ber  sextekariyê bê girtin.’’

Pîra her wiha got: "Li Herêma Kurdistanê ti partî nikare bi tena serê xwe hikûmetê ava bike, çi kursî zêde bike, çi kêm bike û em li bendê ne ku YNK di vê hilbijartinê de dengên xwe zêde bike."

PUKMEDIA