Pêşmerge du mûçe û 432 hezar alîkarî werdigre

PUKMEDIA

Hêzên Pêşmerge û direvên Êraqî

Biryare siba 18/7/2024 bi dabeşkirina mûçeya meha 5, 6 re 432 hezar dînar wek hevkarî hevpeymanan li ser her pêşmergeyekî lîwayên piyade yên Wezareta Pêşmerge were dabeşkirin, ku nêzîkî 40-45 hezar Pêşmerge sûdmend dibin.

Jêderek ji wezareta pêşmerge ji PUKMEDIA re ragihand ku her pêşmergeyek ji bilî wergirtina du mûçe 432 hezar jî werdigre ku gelek pêşmerge jê sûdmend dibe.

Li gorî xişteya dabeşkirina mûçeyê ku ji hêla Wezareta Darayî ve hatî weşandin dibêje ku îro Çarşemê mûçeyên Encumena Asayîşê, Dezgeha Asayîş û Rêveberiya Polîsên Parastina Navendên Neftê tên dabeşkirin.

Biryare siba mûçeyên Wezareta Pêşmerge, hêzên 70 û 80, hêzên parastina firyaketinê û hêzên Zêrevanî tên dabeşkirin.

Berî niha Serokê Fraksiyona YNKê li Parlamentoya Êraqê Harêm Kemal Axa ji PUKMEDIA re ragihandibû: Weke fraksiyona YNKê û endamên me yên komîteya darayî li civata nûneran bi berdewamî hewl didin pirsgirêka mûçeyê hêzên ewlekariyê çareser bikin.


PUKMDEDIA