Komîsyonê dema tomarkirina navên namzedan dirêj kir

PUKMEDIA

Dengdan

Komîsyona Bilind a Serbixwe ya Hilbijartinan dema wergirtina lîsteyên namzedan ji bo beşdarbûnê di  hilbijartinên Parlemana Kurdistanê de ku biryare 20/10/2024ê bê lidarxistin, bo sê rojan dirêj kir.

Berdevka Komisyona Hilbijartinan Cumene El-Gelayî di daxuyaniyeke de ji PUKMEDIA re ragihand: Komîteya Komiseran ya Komisyonê îro Duşemê 15/7/2024 biryar da ku dema wergirtina lîsteyên namzedan bo 3 rojan dirêj bike heta roja pêncşemê 18/7/2024.

Di raporta herî dawî ya Komîsyona Hilbijartinan de ku wêneyek jê ketiye destê PUKMEDIA`yê amaje bi wê hatibû dayîn ku di heyama (1/1/2024) heta (11/7/2024) li herêma Kurdistanê zêdetir ji 800 hezar dengder hatine tomarkirin, lê nîvê vê hejmara dengderan ji bo wergirtina kartên xwe yên hilbijartinê serdana navendên tomarkirinê nekirine, di warê gihandina kartên biyometrîk de parêzgeha Silêmaniyê di rêza yekem de ye.

Komîsyon amaje bi wê yekê dike ku hejmara giştî ya dengderên Herêma Kurdistanê 3 milyon û 789 hezar û 360 dengderan e, ku ji wan 2 milyon û 901 hezar û 80 dengder di çarçoveya dengdana giştî de bi biyometrîk hatine tomarkirin.


PUKMEDIA