Mûçeyên hêzên ewlekariyê di navbera herêm û Êraqê de asê maye

Kurdistan 12:40 PM - 2024-07-09

Mûçeyên hêzên Pêşmerge

Zêdetirî 90 rojin ku beşek ji hêzên ewlekarî û serbazî yên herêma Kurdistanê tenê yek mûçe wergirtine û berawird bi mûçexwerên sivîl dû mûçeyên wan paşda ketine û daraîya Êraqê jî daxwaza lîsteke nû tejî zanyarî yê hêzên ewlekariyê ji darayiya herêmê kiriye ku mûçeyên heyvên 5 û 6 yên hêzên ewlekariyê rê bike, endamekî komîteya Pêşmerge li xula pêncem yê perlamana Kurdistanê dibêje: Pêwîste lîsta mûçeyên hêzên ewlekariyê bê paqijkirin û zanyariyên temamî derbarî hêzên ewlekariyê jibo Bexdayê bên şandin, jiber ku em beşkin ji Êraqa federal jiber ku destûr parêzerên mafên me dibe.

Di dema bûrî de ku çend caran darayiya Êraqê daxwaza zanyariyên zêdetir derbarê hêzên ewlekariyê ji darayîya herêmê kiribû û hikmeta herêmê zanyarî arasteya Bexdayê kiribû,lê lîsta mûçeyên hêzên ewlekariyê yê ji aliyê herêmê ve jibo Bexdayê hatibû şandin di asta daxwaza darayiya Êraqê de nebû lewra careka din daxwaza lîsteke tejî zanyarî kiriye, jber wê çendê jî mûçeyên hêzên ewlekariyê di navbera herêm û Êraqê de asê maye.

Pêwîste lîsta mûçeyan bê paqijkirin

 

Balambo Mihemed, endamê komîteya Pêşmerge di xula pêncem yê perlamana Kurdistanê de bi malpera fermi yê Yekîtî ya Nîştimanî ya Kurdistanê (YNK) PUKMEDIA ragihand ku,şandina mûçeyên wezaretên sivîl û ragirtina mûçeyên beşek ji wezaretên ewlekariyê wê rastiyê nîşan dide ku lîsta mûçeyên hêzên ewlekariyê weku pêwîst nîne, lewra pêwîste hevşêweyê lîsta mûçeyên sivîl bê paqijkirin.

Balambo Mihmed got: Eger li gor hikûmeta herêmê,darayîya Êraqê jibo şandina mûçeyên hêzên ewlekariyê behaneyan nîşan dide,deriyê dadgeha federal vekirî ye û pêwîste bi riya dadgehê fişar bên êxistin ser hikûemta Êraqê, lê bê dengbûna li hemberî wê pêngavê wê rastiyê aşaker dike ku lîsta mûçeyên hêzên ewlekariyê bindîwarin ku navên hêza wehmî têde hene ku ew yek tenê xizmetê bi yekî alî dike.

Amaje bi wê yekê jî kir ku, pêwîste lîsta mûçeyên hêzên ewlekariyê bê paqijkirin û zanyariyên temamî derbarê hêzên ewlekariyê wek di rênmayên darayîya Êraqê de hatiye jibo Bexdayê bên şandin,Jiber ku em beşikn ji Êraqa federal ku destûr parêzerê mafên me dibe, li gor hinek aliayn şandina navên hêzên ewlekariyê metirsî ye li ser qewareya herêmê, rast nîne ji ber ku çênabê wek dema bûrî mûçe bi heremekî bê dayîn.

Çênabe mûçeyên hêzên ewlekariyê bên kirin barmiteya înada sîyaseta berjewendîxwaziyê

Pêwîste hikûmeta herêma Kurdistanê bi yek carî pirsgirêka mûçeyên hêzên ewlekariyê çareser bike, jiber ku çênabê mûçeyên hêzên ewlekariyê bên kirin barmiteya înada sîyaseta berjewendîxwaziyê.

Derbarê paşdaketina mûçeyên hêzên ewlekariyê, Serko Azad Gelalî, endamê xula pêncem yê perlemana Kurdistanê di hejmara xwe ya taybet de li ser tûra civakî ya Facebookê ragihandiye ku, paşdaketina mûçeyên beşik ji hêzên ewlekariyê bi behaneyên cûr bi cûr nayên pesendkirin û pêwîste hikûmeta herêmê bi zûtirîn dem wê pirsgirêkê çareser bike daku hêzên ewlekariyê ji vê zêdetir nebin qurbaniyên lîsta şandina mûçeyan.

Her weha Serko Azad Gelalî got: Çênabe mûçeyên hêzên ewlekariyê bên kirin barmiteya înada siyaseta berjewendîxwaziyê, di demekê de ku ew parêzerên ax û nîştimanin û jibo wê yekê jî gelek qurbanî dane.

 

Çarenivîsa dû mûçeyan ne diyarin

Beşek ji hêzên ewlekariyê li gor daxuyaniya wezareta darayîya herêmê ku ji (hêzên yekeya 70 û 80, civata asayîşê, dezgeha asayîşê, hêzên Zêrevanî, Berevanî û hewarçûn, rêveberayetiya polîsê parastina dezgehên neftê, Pasewanên wezareta navxwe) pêk tên, di heyama 92 rojan de tenê dû mûçe wergirtine, ku bi diyarîkirî roja 8ê Nîsana 2024 an mûçeya heyva 3 û roja 16 Hizêrana 2024 an mûçeyên heyva Nîsanê wergirtine, lê heya niha mûçeyên heyvên 5 û 6 wernegirtine, bi vî awayî jî zêdetir ji 3 heyvane ku tenê yek mûçe wergirtine û zêdetirî 7 heyvane 4 mûçe wergirtine.

PUKMEDIA