Emîndarê Giştî Wezareta Pêşmerge: Xebatên yekxistina Hêzên Pêşmerge berdewam in

PUKMEDIA

Emîndarê Giştî yê Wezareta Pêşmerge

Emîndarê Giştî yê Wezareta Pêşmerge ragihand, hewlên wan ji bo yekxistina hêzên Pêşmergeyên Kurdistanê berdewam in û alîkariyên Hevpeymaniya Navdewletî bo hêzên wan berdewam in.

Di hevpeyvîneke taybet de ligel PUKMEDIA, Emîndarê Giştî yê Wezareta Pêşmerge Bextiyar Mihemed ragihand: “Pêvajoya çaksaziyê di Wezareta Pêşmerge de berdewam e û hewla yekkirina hêzan jî berdewam e, tevî ku lez û beza Pêvajo ji hêviyên me yên ji bo pêkanîna bileztir kêm e."

Got jî: “Pêwîste bê zanîn ku faktorên siyasî, pirsgirêkên madî û dînamîkên di navbera aliyên têkeldar de û her wiha peywendiyên di navbera Herêma Kurdistanê û Bexdayê de jî bandor li ser proseyê kirine û bûne sedema sistbûna proseyê.” .

Me pergala berevaniyê xwest

Pir caran esmanê Herêma Kurdistanê bi firokeyên bê firokevan yên welatên cîran derbas dikin û Wezareta Pêşmerge daxwaz ji Hevpeymaniya Navdewletî dike ku sîstema berevaniyê werbigire.
Serleşker Mihemed amaje bi wê yekê kir, ku binpêkirina esmanê Herêma Kurdistanê û armanckirina hin cihan ji aliyê firokeyên bêpîlot ên derve, bandoreke xirab li ser aramiya wan cihan kiriye.

"Me daxwaza alîkariyê ji Hevpeymaniya Navdewletî kir da ku sîstemên berevaniyê ji me re peyda bike, lê heta niha me ew sîstem wernegirtine."

Alîkariya Koalîsyona Navdewletî didome

Derbarê alîkariyên darayî yên Hevpeymaniya Navdewletî de, Emîndarê Giştî yê Wezareta Pêşmerge herwiha got: Alîkariyên hevpeymanan ku berê weke mûçe ji lîwayên hevbeş re dihatin pêşkêşkirin, niha jî li gorî pîvanên pêwîst ên hevpeymanan, ji bo hêzên Pêşmerge tên terxankirin ."

Her wiha tekez kir ku, mûçeyên Wezareta Pêşmerge û Lîwayên Hevbeş dê ji bo hikûmeta federalî were veguhestin û hêzên Pêşmerge jî di warê fermande, kontrol û birêvebirinê de dê di nav Wezareta Pêşmerge de bimînin û hewlên bihêzkirina peywendiyan hene di navbera hêzên Pêşmerge û hêzên federal de.”

Di meha sibatê de, Dadgeha Bilind a Federal a Iraqê, Hikûmeta Herêma Kurdistanê erkdar kir ku bi hûrgilî li ser bûdceya mehane ya ku ji bo mûçeyên fermanberên Herêmê tê terxankirin, pêşkêşî wezareta darayî ya federal bike. Ev yek ji bo ku Bexda bikare dest bi dayîna pişka Herêmê ji bûdceya federalî bike. Lê heta niha hikûmeta her du aliyan li ser mûçeyên hêzên Pêşmergeyên Herêma Kurdistanê lihev nekirine û ji ber wê jî mûçeyê Pêşmerge çend mehan dereng ketiye.

Agahdarî û agahî ji Wezareta Darayî ya Iraqê re hatine şandin

Serleşker Mihemed eşkere kir ku derengketina mûçeyên pêşmergeyan ji ber daxwaza Buroya Çavdêriya Darayî ya Iraqê ji bo agahiyên nûjen e.

“Hikûmeta Herêma Kurdistanê niha kar li ser cîbicîkirina van daxwazan dike da ku zanyariyan ji nû ve bişîne Iraqê.”

"Piştî ku zanyariyên nû ji Desteya Çavdêriyê û Wezareta Darayî ya Iraqê re bên şandin, lîsteya mûçeyên Pêşmerge dê were kontrolkirin. Eger pirsgirêk nehatin dîtin, dê biryar were dayîn ku mûçeyê Wezareta Pêşmerge were dayîn." Bextiyar Mihemed got

PUKMEDIA