Firaksyona YNK:Tenê YNK di xema firokxaneya Silêmaniyê de ye

Kurdistan 12:23 PM - 2024-07-07

Firokxane

Li ser daxwaz û pêşniyara firaksyona Yekîtî li civata nûnerên Êraqê, tevî ku perleman di bêhnvedana werza yasadananê de bûye, serok û endamên komîteya guhastin û peywendîkirin yê perlamana Êraqê li bajarên Bexda, Kerbela,Besre û Necef, hefteya bûrî bi armanca kêmkirina fişar û sizayên Turkiye li ser firokxneya navdewletî ya Silmaniyê, serdan kirin,biryarderê firaksyona Yekîtî jî dibêje: Tenê Yekîtî hewla vekirina asmanê di navbera Turkiye û Silêmaniyê de dike, lê partiyên din bê helwest û bê dengin.

Yekîtî berevanîkarê vekirina asmanê Turkiye di rûyê firokxaneya Silêmaniyê de ye

Karwan Yerweys, biryarderê firaksyona Yekîtî li perlamana Êraqê jibo malpera fermi yê Yekîtî Nîştimanî Kurdistanê (YNK) PUKMEDIA ragihand ku tenê Yekîtî di asta nûnerên di hikûmet û perlemanê berevaniyê li vekirina asmanê Turkiye di rûyê firokxaneya Silêmaniyê de dike, lê partiyên din bê helwest û bê dengin.

Karqwan Yarweys daxwaz ji firaksyonên din yên Kurdistanî jî dike ku vê xemê bi xemeke giştî û berjewendiyên giştî bizanin û hewl bidin bi riya gotûbêj û riyên çareseriya diplomasî vê pirsgirêkê çareser bikin.

Firokxaneya Silêmaniyê yekek ji firokxaneyên girîng yên bê pirsgirêk yên Êraqê ye

Komîteya guhastin û peywendiyan li perlamana Êraqê civînek berfireh digel rêveberên firokxane û beşên cuda cuda encam da ku di encamê de wêneyeke zelal derbarê firokxaneyê ket dest wan, ku firokxaneya navdewletî yê Silmaniyê yekek ji firokxaneyên girîng û bê pirsgirêk yên Êraqê ye ku hemî xizmetgûzariyên wê xwemalî ne û yek karmendekî biyanî têde nîne.

Dr.Biryar Reşîd,endamê firaksyona Yekîtî li civata nûnerên Êraqê jibo PUKMEDIA got : Hewlên me dê berdewam bin jibo vekirina asmanê Turkiye di rûyê firokxaneya navdewletî yê Silêmaniyê de, komîteya peywendiyan jî tekez kir ku ew li ser wê pirsê digel desteya serokatiya civata nûneran û serok wezîran û desteya firokvaniya sivîl dicivin.

Dr.Biryar got: Komîteya guhastin û peywendiyan li perlemana Êraqê, firokxaneya navdewletî yê Silêmaniyî bi firokxaneyeke girîng ji aliyê geştan û kargêrî û ewlekariyê ve li Êraqê bi nav kir û soz de ku hemî pêngavan biavêjin jibo vekirina asmanê Turkiye di rûyê firokxaneya Silêmaniyê de.

Komîteya gihandin û peywendiyan têgihîştiye ku hemî tomet bê bingehin

 

Her weha komîteyê bi serdankirina kompaniya (Ezmer Ear) matmayî bû, jiber şiyanên wê yên akademî jibo pêgihandina kadirên firokxaneyê, ku ev yek li Êraqê bê hevta ye,di demekê de ku li firokxaneyên din budceyeke mezin jibo wê mebestê bi kompaniya û akedemiyên biyanî tê dayîn.

Biryarderê firaksyona Yekîtî li perlemana Êraqê aşkere kir jî, biryare komîte piştî bêhnvedana perlemanê hemî hewlan jibo çareserkirina wê pirsgirêkê bide.

Komîteyê di civîna xwe ya digel serokê dezgeha asayîşa herêmê, piştî daxuyanî û wergirtina zanyariyên baştir têgihîşt ku ew tometên arasteya firokxaneyê hatine kirin bê bingehin.

Di heyama 14 heyvên bûrî de jiber ragirtina ji sedî 35 geştên firokxaneya navdewletî ya Silêmaniyê bi asmanê Turkiye de, nêzîkî 10 milyon Dolar ziyanên darayî gihîştiye firokxaneyê, ev jî di demekê de ye ku geştên jibo welatan digel çend kompaniyên din berdewamin û çi pirsgirêkek nîne.

PUKMEDIA