Komisyonê dest bi wergirtina lîsteyên namzedên hilbijartinan dike

PUKMEDIA

Dengdan

 Îro pênşemê 4/7/2024ê Komîsyona Bilind a Serbixwe ya Hilbijartinan dest bi wergirtina lîsteyên namzedên ku dixwazin beşdarî hilbijartinên şeşemîn civîna Parlamentoya Kurdistanê bibin, kir.

Berdevka Komisyona Bilind a Serbixwe ya Hilbijartinan Cumene El-Gelayî ji PUKMEDIA re ragihand ku desteya Komiseran biryar da ku ji îro pênçşemê ve lîsteyên namzedên hevpeymanan, partî, namzedên takekesî û namzedên pêkhateyan werbigire û ev prose dê ji pêncşemê heta 12 roj an 7/15/2024 berdewam be.

Li gorî şopandinên PUKMEDIA, 4 hevpeymanan û 26 partiyan û herwiha 101 namzedên takekesî, daxwazên xwe ji bo beşdarbûna di hilbijartinên Parlamentoya Kurdistanê de pêşkêş kirine.
Berdevkê Serokatiya Herêma Kurdistanê Dilşad Şihab di civîneke rojnamevaniyê de ragihand, Serokê Herêma Kurdistanê Nêçîrvan Barzanî biryar da ku roja 20.10.2024ê weke roja nû ya hilbijartinên Parlamentoya Kurdistanê were destnîşankirin.

Berdevka Komisyona Bilind a Serbixwe ya Hilbijartinan li Êraqê tekezî li ser wê yekê kir, ku komîsyon amade ye hilbijartinan di wê rojê de pêk bîne û dê bi rêya ofîsa niştimanî û ofîsên komîsyonê li parêzgehên Herêma Kurdistanê proseya hilbijartinan birêve bibe .

PUKMEDIA