Hefteya bê hemî kampên awareyan li Silêmaniyê tên daxistin

Google

Kampa koçberan

Hefteya bê karwana dawîn ya awareyên sinorê parêzgeha Silêmaniyê dê vegerin cih û warên xwe û kampên sinorê parêzgeha Silêmaniyê dê bên daxistin, cîgirên parêzgeha Silêmaniyê dibêje: Di çarçoveya biryara civata wezîrên Êraqê de me hevkarî di vegera awareyan de kiriye.

Parêzgeha Silêmaniyê hemî asankariyek kiriye

Şaho Osman, cîgirê parêzgeha Silêmaniyê bi malpera fermi ya Yekîtiya Nîştimaniya Kurdistanê (YNK) PUKMEDIA ragihand ku: Di çarçoveya biryara civata wezîrên Êraqê de me wek yekeya îdareya parêzgeha Silêmaniyê hemî karasniyek kiriye ji bo vegera awareyan ji bo cih û warên xwe.

Şaho Osman got: Di demeke nêzîk de karwana dawî ya awareyên li sinorê parêzgeha Silêmaniyê dê vegerin cih û warên xwe û bi vê yekê jî çi awareyek li kampên Silêmaniyê namîne.

Tenê 250 malbat li Silêmaniyê mane

Samir Meşkûr rêvberê beşê parêzgehên herêma Kurdistanê li wezareta koç û koçberên Êraqê, di hevpeyvîneke taybet de digel malpera fermi ya Yekîtiya Nîştimaniya Kurdistanê (YNK) PUKMEDIA de ragihand: Digel wê yekê ku biryar bû heta dawiya vê hefteyê karwana awareyên sinorê parêzgeha Silêmaniyê ku li kampa Aştî aknicî ne, vegerin cih û warên xwe, lê jiber hinek rêkarên yasayî vegera beşek ji wan bo hefteya bê hatiye paşdaxistin.

Samir Meşkûr got:Tenê 250 malbatên aware li sinorê parêzgeha Silêmaniyê mane, eve ji bilî wê yekê ku di 2 dema rojên bûrî de beşek ji wan malbatan vegeriyane cih û warên xwe û hefteya bê jî ew malbatên aware yên mane dê vegerin.


Li gor zanyariyên PUKMEDIA di çarçoveya hewlên wezareta koç û koçberên Êraqê de ji bo vegera awareyên kampên li herêmê, bi hevkariya îdareya parêzgeha Silêmaniyê di hefteya bûrî de 734 malbat ji kampa Aştî ya li parêzgeha Silêmaniyê ku piraniya wan xelkê Selahedîn bûne, vegeriyan cih û warên xwe.

Li Hewlêr û Duhokê rêgirî li vegera awareyan tê kirin

Pêştir Samir Meşkûr bi PUKMEDIA ragihandibû : Li parêzgehên Hewlêr û Duhokê rêgirî li vegera awareyan tê kirin û heta navbenda hevbeş û ya hemahengiya qeyranan ya hikûmeta herêmê jî rê nade wan li herdu parêzgehan tîma wezareta koç û koçeberan ya Êraqê biçin kampan û karasaniyê ji bo vegera wan bikin,ji bilî wê yekê jî ji aliyê wezareta navxweya herêmê ve rêgirî li vegera awareyan tê kirin.

Samir Meşkûr dibêje : Têkçûna peywendiyên di navbera wezareta koç û koçberên Êraqê û wezareta navxwe ya herêmê de bandorek xirap li ser vegera awareyan kiriye,bi awayekî ku ji kampên sinorê Hewlêrê ji roja 24-1 heta 1-7 tenê 250 malbatên aware vegeriyane cih û warên xwe,û rêgirî li vegera wan tê kirin, hevdem li parêzgeha Duhokê jî rêgirî li vegera awareyan berdewame ku ji koma zêdetirî 22 hezar malbatên aware heya niha  tenê nêzîkî 2 hezar û 400 malbat vegeriyane cih û warên xwe,vegera wan malbatan jî bi fişarên xwe bûne ku bi riya nivîsingeha wezareta koç û koçberan daxwaza vegerê kiribûn.

30- 7 kamp tên daxistin

Li gor pêdaçûneke PUKMEDIA heta niha nêzîkî 4 hezar û 750 malbatên awareyan ji kampên herêmê vegeriyane cih û warên xwe ku ji Silêmaniyê 2 hezar û 100 malbat û ji parêzgeha Duhokê jî 2 hezar û 400 malbatin vegeriyane, lê ji parêzgeha Hewlêrê tenê 250 malbat vegeriyane ku ji koma 5 hezar malbatên aware li sinorê parêzgeha Hewlêrê , heta niha tenê 250 malbat vegeriyane û rêgirî li vegera 4 hezar û 750 malbatan tê kirin , li parêzheha Duhokê jî ji koma 22 hezar malbatên aware heta 2 hezar û 400 malbat vegeriyane.

PUKMEDIA