Qubad Talebanî : Pêşmerge qurbaniyên mezin li dijî terorê dane

Kurdistan 01:48 PM - 2024-06-30

Qubad Talebanî li Çemçemal

Di çarçoveya serdeana xwe de jibo qezaya Çemçemalê Qubad Talebanî, cîgirê ser wezîran yê herêma Kurdistanê mûzxaneyek yê şehîdên şerê li dijî rêxistina DAIŞê vekir.

Di heyama seredana xwe de ya jibo qezaya Çemçemalê digel Dara Reşîd, wezîrê pilandananê, lîwa Çeto Salih wekîlê wezîrê navxwe û qaymiqamê qezaya Çemçemalê, Qubad Talebanî, seredana gorên şehîdên Enfalê kir û qeftek ya gulan danî ser kêliyên şehîdan.

Pişter Qubad Talebanî mûzexaneya şehîdên şerê li dijî rêxistina DAIŞ ya terorist vekir, ku ew mûzexaneyekê ye jibo rêzgirtin li qurbaniyên hêzên Pêşmerge û parastina qehremantiya wan di şerê li dijî terorê ku têde hemî wêne û tişt û bîranînên Pêşmergeyên şehîd hene.

Qubad Talebanî amaje bi girîngiya wê mûzexaneyê kir û got: Ev mûzexane karekî asane jibo nîşandana qehremaniyên hêzên Pêşmerge, jiber ku qurbanî û fedakariyên wan gelekî mezinin, lewra pêwîste behsa çêrok û destaneyên wan jibo nivşên nû bên kirin û qehremanî û destanên wan bi riya film û nivîsan û karên hunerî jî ji bo hemî gelê Kurdistan û cîhanê bên nîşandan.

Qubad Talebanî seredana hejmarek projeyan li Çemçemalê dike

Îro, roja Yekşemê 30/06/2024 an Qubad Talebanî cîgirê serok wezîran seredana Çemçemalê kir û têde seredana çend projeyan kir.
Di serdanê de cîgirê serok wezîran seredana hejmarek projeyan dike û çend civînan jî  digel berpirsan û çîn û texên deverê bi mebesta baştir pêşkêşkirima xizmetgûzariyan encam dide.

Qubad Talebanî, cîgirê serok wezîrên hikumeta herêma Kurdistanê gihîşte Çemçemalê û di destpêka seredana xwe de kevirê binaxeya projeya ava Goktepe – Çemçemal dana ku têçûna wê 78 milyon û 150 hezar Dolar in ku biryare di heyama 730 rojan de ew proje bê temamkirin.

Şiyana projeyê, berhemanîna 3400 metre sêca ya avê heye ku di her demjimêrekê de zêdetirî 480 hezar kes ji wê projeyê mifadar dibin.

Cîgirê serok wezîran di seredana xwe de ragihand ku akinciyên Çemçemalê bi salane jiber pirsgirêka avê dinalin û çendî salin jî ew çaverêya cî bi cîkirin û temamkirina van projeyan dikin.

Got jî: Çênabe bi çi sedemekê karkirin di projeyê de raweste û daxwaz kir ku kompaniyên cî bi cîkar di dema xwe ya diyarîkirî de karên projeyê temam bikin; jiber ku eve sereketirîn daxwazî û mafên akinciyên Çemçemalê ye.

PKUMEDIA