Serok Komar : Divê gerentiya mafên hemî netewe û pêkhateyên Êraqê bê kirin

Buroya Çapemeniyê ya Serokomariyê

Axaftina Serok di Kongreya Rewşenbîrên Ereb-Kurd de

Îro, roja Şemiyê 29 /06/2024 an bi serperştiya Dr. Ebdulletîf Cemal Reşîd,  serok komarê Êraqê karên kongra hevdîtina çandên Eerbî- Kurdî li bajarê Bexdayê destpêkir.

Navenda çanda Kurdî- Erebî vê kongreyê bi serperştiya serok komar encam dide ku têde rewşenbîrên  Kurd - Ereb gotûbêjan  dikin derbarê dozên hevbeş yên girîgiya xwe jibo rewşenbîran û lêkoleran heye.

Li gor karnameye kar sê tewer di kongereyê de tên gotûbêjkirin ku bi vî awayî ne:

Ya yekem- Rola çanda Erebî – Kurdî û geşekirin û berdewamkirina hevjiyana aştiyane û xurkirina nirxên hemwelatiyê û kûrkirina nêzîkirina hizrî di navbera gelên Kurd – Ereb de.

Duyem- Bandora kesayetiyên çandî yên Ereb – Kurd di berhemanîna çanda mirovayetiyê de li hemberî nijadiyê û afrandina çanda siyasî ya peywendiyên  di navbera Ereb û Kurd de.

Sêyem – Rola dezgehên cî bi cîkar û yasadananê û dadweriyê û civaka sivîl di pêşxistina çanda Erebî – Kurdî ya hevbeş de û hewldanên zangiheên Erebî – Kurdî di parastina nasnameya çandî û giringiya hevbeşiya stratîjî û vebûn li ser  zaningehên cîhanî.
 
Her weha sê rûniştinên şêwirmendiyê tên sazkirin ku rewşenbîr û lêkolerên  Ereb û Kurd encam didin.

Serokomarê Êraqê Letîf Cemal Reşîd ragihand di kongrê de, ku baştirîn dewra dîrokî li herêmê ew serdem e ku peywendiyên jiyana hevbeş di navbera neteweyên cuda de û di navbera Kurd, Ereb, Fars, Tirk û civakên din de bihêztir û berfirehtir bûne.

Serokomarê Iraqê di konferansa rewşenbîrên Ereb-Kurd de ku li Bexdayê hat lidarxistin de, ku hejmareke zêde ji berpirsên partî û hikûmetên Iraqî û Kurdistanî û rewşenbîrên civakan tê de beşdar bûn, ev axaftin kir.

Kongre ji aliyê Navenda Çanda Erebî-Kurdî ve hat birêxistin û Serokatî bal kişand ser rola konferansê û got: "Girîngiya sereke ya navendê xebat, avakirin û pêşxistina çandeke hevpar e ku xizmeta jiyana hevbeş bike.

Wî banga berdewamiya xebata hevbeş kir ji bo pêşxistina têgihiştinê û bihêzkirina nirxên ku alîkariya dabînkirina jiyanek hevbeş û minasib ku mafên hemî netewe, civak, ol û mezheban misoger dike.

PUKMEDIA