Komandoya Kurdistanê bargehên terorîstan wêran kirin

Komandoya Kurdistanê

Logoya Komando ya Kurdistanê

Hêzên Komando yên Kurdistanê li sînorê Germiyanê operasyonek li dar xist û hejmarek çeperên DAIŞê yên li van deveran têk birin.

Li gorî daxuyaniya Serfermandariya Hêzên Komando yên Kurdistanê,ku wêneyek ji  malpera fermî ya Yekîtiya Niştimanî ya Kurdistanê (YNK) PUKMEDIA re şandine hatiye:’’ Li gor zanyariyên şebekeya îstixbaratî ya Fermandariya Hêzên Komando yên Kurdistanê û piştgiriya hêzên hevpeyman li Germiyanê, sibeha îro Sêşemî 25ê Hezîrana 2024ê çend tîmên şer ên ji "kurên komando" ligel hêzên hevpeyman operasyonek li dijî hejmarek veşartgehên DAIŞê li devera "Tewerkewe" li Germiyan pêk anîn.

Li gorî daxuyaniyê: "Hejmarek kozikên çeteyên DAIŞ'ê ji aliyê yekîneyeke hawanê ya hêzên me ve hatin rûxandin û piştre xortên komando li herêmê dest bi lêgerînê kirin.

Li gorî daxuyaniyê, terorîstan car caran wan şaneyên razayî wek cihê kombûn û plansaziya êrişan bi kar dihat, armanca sereke ya operasyonê jinavbirina wan cihan bû, her wiha bombeyeke ku terorîstan bi cih kiribû ji aliyê tîmeke Komando ya Kurdistanê (E.O.D) ve hat pûçkirin.

PUKMEDIA