Serok Bafil: YNK ji bo hilbijartinan amade ye

PUKMEDIA

Seok Bafil û Razgar Hacî Hema

Serokê Yekîtiya Niştimanî ya Kurdistanê (YNK) Bafil Celal Talebanî, bi Rêheval Rizgar Hacî Hema Berpirsê Buroya Hilbijartinê ya YNKê re  li Dabaşanê  civiya.

Di civînê de Rizgar Hacî Hema amadekariyên dawî yên ji bo hilbijartinan pêşkêş kir û got ku ew bername û planên ku di civînên bilind de biryar li ser dane hatine cîbicîkirin û YNK jî ji bo hilbijartinan amade ye.

Di bersivê de Serok Bafil Celal Talebanî spasiya berpirs û rêhevalên Buroya Hilbijartinê kir ku di dema borî de bi dilsozî erkên xwe bi cih anîne,bi taybetî di hilbijartinên encumenên parêzgehên Iraqê de, dema ku YNK bû hêza yekem di nav  partiyên Kurdistanî de, roleke berçav lîst û bêwestan kar kir.

Di hevdîtinê de Serok Bafil got ku YNK ji bo hilbijartinan amade ye û bi ti awayî ligel paşxistina hilbijartinan nîne û çêkirina  astengiyan li pêşiya vê pirosesa giring derbeyeke li îradeya gel û proseya demokrasiyê ye  li Herêma me . Pêwîste hemû alî li gorî ku dema komîsyonê weke desteya fermî û cîbicîkar ji bo hilbijartinan pêşniyar kiriye bi cih bînin, ku roja 5ê Îlona îsal e û ti behane ji bo paşxistina proseyê nehiştiye. Em careke din tekez dikin ku YNK ji bo hilbijartinên wê dîrokê amade ye û pêşwaziya pêşniyara komîsyonê dike.

Di hevdîtinê de Serok Bafil got ku divê hemû aliyên siyasî dest bi qonaxeke nû ya xebata siyasî bikin û bi hev re ji bo Kurdistaneke bihêz û pêşerojeke geştir kar bikin. Pirsên netewî nebe qurbana berjewendiyên hizbî û jiyana gelê me yê ezîz bi nakokiyên nedadperwer re neyê tevlihevkirin. Her wiha got: “Piştgiriya van gavan cesaret dixwaze û YNK jî amade ye.’’

PUKMEDIA