Dema tomarkirina navên namzedan hat dirêjkirin

PUKMEDIA

Parlemana Kurdistanê

Komîsyona Bilind a Serbixwe ya Hilbijartinan li Êraqê dema tomarkirina navên hevpeymanî, partiyên siyasî, namzedên takekesî û namzedên pêkhateyan yên ku dixwazin beşdarî hilbijartinên Parlamentoya Kurdistanê bibin bo 27.06.2024 dirêj kir.

Ev duyemîn dirêjkirina dema tomarkirinê ye, ku biryar bû îro Duşemê24/6/2024 bi dawî bibe.

Di daxuyaniyeke kurt ya Komisyonê de ku PUKMEDIA kopiyek jê wergirtiye de wiha hat gotin: “Komîsyona Bilind a Serbixwe ya Hilbijartinan dema tomarkirina hevpeymanî, partî, namzedên takekesî û namzedên takekesî yên ku dixwazin beşdarî hilbijartinên 2024ê bibin, dirêj kir,  heta dawîbûna dema karê fermî roja Pêncşemê 27/6/2024.

Komisyona Bilind a Serbixwe ya Hilbijartinan ji roja 8/6/2024an ve ji bo cara duyem heta roja 24/06/2024ê deriyê tomarkirinê ji hevpeymanî, partî, namzedên takekesî û berbijêrên pêkhateyan vekir.

Ev heyama nû, bi gotina Berdevka Komisyonê, ji bo wê yekê hat, ku derfeta zêdetir ji bo partî, aliyên siyasî û namzedên takekesî were dayîn ku beşdarî hilbijartinên 2024ê yên Parlamentoya Kurdistanê bibin.

Komisyonê di heyama yekem de, ji 13.03.2024ê heta 31.03.2024ê, ji bo beşdarîkirina di hilbijartinên Parlamentoya Kurdistanê de, namzed ji bo hevpeymanî, partiyên siyasî û namzedên takekesî vekir.

Heta duh Yekşemê 23/6/23, hejmara giştî ya namzedan giheşte 26 partî, 4 hevpeymanî û 101 namzedên takekesî, ji wan 26 berbijêrên pêkhateyên Tirkmen û Mesîhî.

Komisyonê roja 28.05.2024ê nameyeke fermî ji Serokatiya Herêma Kurdistanê re şand, ji bo destnîşankirina roja nû ya hilbijartinên Parlamentoya Kurdistanê, pêşniyara serokatiya Herêmê jî kir ku roja 5/9/2024 wek rojeke nû ji bo lidarxistina hilbijartinan were destnîşankirin, lê heta niha Serokatiya Herêmê bersiva vê daxwazê nedaye û berdevka wê jî tekez kir ku hemû aliyên yasayî, îdarî, darayî û teknîkî yên proseya hilbijartinan amade ne.




PUKMEDIA