Li Hewlêrê ji destpêka îsal ve nêzîkî 430 şewat derketiye

PUKMEDIA

Hewlêr

Di heyama şeş mehên borî de, nêzîkî 430 şewat di nav sînorên parêzgeha Hewlêrê de derketine, ku piraniya wan di cihên niştecihbûnê, otomobîl, bazar û cihên giştî de derketine Ji van bûyeran duh êvarî, Çarşemê agirekî mezin di parzûngeheke ku tê de madeyên ku di pîşesaziya isfiltê de dihatin bikaranîn li nêzîkî Hewlêrê vêketibû ku tîmên berevaniya sivîl nekarîn agir bi wê kontirol bikin, heta ku nêzîkî 20 demjimêran piştî wê qezayê derbas bûn.

Li gorî daxuyaniya Rêveberiya Berevaniya Sivîl ya Hewlêrê ku kopiyek jê gihîştiye PUKMEDÎAyê, “Di 5 mehên destpêkê yên sala 2024an de 407 şewat di nav sînorên parêzgeha Hewlêrê de rû dane, ji wan di meha Çile de 80 bûyer, di meha Sibatê de 91 bûyer, Di meha Adarê de 91, di meha Nîsanê de 104 û di Gulanê de jî 41 bûyer.

Di daxuyaniyê de hat destnîşankirin ku ji tevahî bûyerên şewatê 156 mal, 94 otomobîl û 23 jî agir bi dîkan, bazar û cihên giştî ketine û nêzî 1000 dîkan şewitîne û piraniya zerar li xwediyê dîkanan li bazarên Lenka û El-Qeysarî ketiye.

Bûyera herî dawî ya şewata li parêzgeha Hewlêrê, şewateke mezin e ku ji duh 12.06.2024ê ve, di parzûngeh û depoyeke madeyên ku di pîşesaziya isfilt de tên bikaranîn, li ser rêya Hewlêr-Kwêr vêketiye, ku proseya kontirolkirina agir tê de, derketiye. Nêzîkî 20 demjimêran dom kir heta agir hat kontrolkirin û Rêveberiya Berevaniya Şaristanî li Hewlêrê ragihand, lêkolîn ji bo diyarkirina sedema agir û ziyanên mirovî û madî dest pê kirine.

Li gorî şopandinên PUKMEDIA’yê, di heyama meha Hezîranê û heta niha de nêzîkî 20 haletên şewatê li parêzgeha Hewlêrê rû dane, ku 6 ji wan şewatan di dukanên bazirganî, avahî û zeviyên cotkaran de bûne û di encamê de ziyaneke madî ya mezin derketiye.


PUKMEDIA