Serok Bafil û Ethem Barzanî tekezî li ser guhertina hikûmetê kirin

Nivîsgeha Ragihandinê ya Serokê YNKê

Serok Bafil û Şêx Ethem Barzanî

Serokê Yekîtiya Niştimanî ya Kurdistanê (YNK) Bafil Celal Talebanî li bajarê Silêmaniyê serdana Şêx Ethem Barzanî kir.

Di civînê de behsa rewşa Herêma Kurdistanê û pirsa hilbijartinên parlamentoya Kurdistanê hat kirin û tekez li ser serkeftina hewlên niştimanî ji bo bidestxistina guhertinan di proseya hukimdariyê de û xizmetkirina welatiyan kirin.

Serok Bafil Celal Talebanî li ser pêşhatên dawî û pêngavên lidarxistina hilbijartinên dadmend got: “Hemû hêz û aliyên ku xema serkeftina ezmûna Herêma Kurdistanê û pêkanîna hikûmeteke saxlem in, divê li hember paşxistina hilbijartinan û çêkirina astengiyan li pêşiya vê pêvajoya girîng û demokratîk, rêveberiyeke saxlem e bisekinin.”

Di hevdîtinê de her wiha tekezî li ser pêşxistina peywendiyên dualî û yekxistina hewlên niştimanî ji bo bidawîanîna nakokiyan û parastina mafên destûrî yên gelê Kurd di çarçoveya hikûmeta federal de hat kirin.

PUKMEDIA