Talebanî projeya Stratejîk li Silêmaniyê vedike

Şaredariya Silêmaniyê

Qubad Talebanî û Şaredara Silêmaniyê

Cîgirê Serokwezîrê Herêma Kurdistanê Qubad Talebanî bi amadebûna Seroka Şaredariya Bajarê Mezin a Silêmaniyê Leyla Elî projeya Xaçerêya Baxçeyê Bextiyarî ku bi qasî 13 milyar dînar hatiye xerckirin, vekir.

Li Silêmaniyê 5 projeyên din tên vekirin

Di merasîma vekirina kar de, Cîgirê Serokwezîr Qubad Talebanî ji medyayê re axivî û got: "Ez pîrozbahiyê li şaredariya Silêmaniyê û kompaniya Germian dikim ku bi serkeftî vê projeya awarte bi cih anîne, ku dê bi awayekî bandor li piraniya pirsgirêkên  hatinûçûnê yên li vê deverê were çareserkirin."
Wî got jî: "Pênc projeyên din, mîna xaçerê û derbasbûna binê erdê wekû Bexçeyê Bextiyarî, dê di paşerojê de bên destpêkirin, ku Silêmaniyê bibe bajarekî pêşkeftî di warê sîstema wê ya veguhestinê de li Iraqê." 

Cîgirê Serokwezîr Talebanî got: "Derfetên sermayerazandinê li parêzgeha Silêmaniyê gelek zêde bûne. Silêmanî di sala 2023an de wek parêzgeha serekî ya sermayerazandinê li Iraqê hat binavkirin, bi taybetî bi saya civînên me ligel ofîsên hikûmeta parêzgehan û daxwaza me ya kêmkirina prosedurên rêziknameyê."

Proje dê hin pirsgirêkên trafîkê çareser bike

Talebanî got: "Ev proje li Silêmaniyê xwedî girîngiyeke mezine. Bi temamkirina projeyê dê qelebalix û qerebalixa li deriyê Silêmaniyê kêm bibe."

Ew proje roja 30ê Tebaxa 2022ê bi bûdceya 12.5 milyar dînar dest pê kir û Cîgirê Serokwezîr Qubad Talebanî serperiştiya wê kir. Îro 8ê Hezîrana 2024an proje ji ajokaran re hat vekirin.

PUKMEDIA