Serokê YNK û serokomarê Iraqê sersaxî ji hikûmet û gelê Îranê re xwestin

Ofîsa çapemeniyê ya Serok Bafil

Serok Bafil û şandeke pilebilind a Iraqê li Tehranê

Serokê Yekîtiya Niştimanî ya Kurdistanê (YNK) Bafil Celal Talebanî û  Serokomarê Iraqê Dr.Letîf Reşîd li Tehranê bi Serokomarê Îranê Mihemed Muxbîr re hevdîtin kirin  û hevxemiya xwe ji gel û rayedarên Komara Îslamî ya Îranê re ragihandin.

Li gor daxuyaniya Ofîsa Ragihandinê ya Serokê Yekîtiya Niştimanî ya Kurdistanê (YNK) ku nusxeyek ji PUKMEDÎAyê re hatiye şandin, Serok Bafil bi hejmarek ji endamên Mekteba  Siyasî li Tehranê di merasima cenazeyê Îbrahîm Rayîsî û hevalên wî de amade bûn.

Li gorî daxuyaniyê, Serok Bafil û şandeke pilebilind a Iraqê bi serokatiya Serokomarê Iraqê Dr. Letîf Reşîd li Tehranê ligel Mihemed Muxbîr Serokkomarê bi wekalet yê Îranê careke din ji ber koça dawî ya Îbrahîm Raîsî û hevalên wî sersaxî xwestin.

Serokomarê Iraqê Dr.Letîf Cemal Reşîd û Serokê Yekîtiya Niştimanî ya Kurdistanê (YNK) Bafil Celal Talebanî ji bo beşdarî merasîma cenazeyê Serokkomar Îbrahîm Raîsî û hevalên wî bibin gihîştin Tehranê.

Şanda Îraqî roja 25ê Gulanê ji bo beşdarbûna merasima sersaxiya Serokomarê Îranê, Wezîrê Derve û şanda pê re ku di ketina helîkopterê de jiyana xwe ji dest dabûn, gihîşt Tehranê.

Di wê şandê de Serokê Yekîtiya Niştimanî ya Kurdistanê (YNK) Bafil Celal Talebanî, hejmarek ji serkirdeyên partiyên siyasî yên Iraqê û hejmarek wezîr û berpirsên hikûmetê pêk tê.

Êvariya roja 19/5/2ê êvarî di encama ketina helîkopterekê de serokomarê Îranê Îbrahîm Reîsî, Wezîrê Derve Huseyîn Amir Ebdullahiyan û 7 berpirsên din jiyana xwe ji dest dan.

Îro 23.05.2024ê Serokê Yekîtiya Niştimanî ya Kurdistanê (YNK) Bafil Celal Talebanî û şandekî pê re serdana Konsulxaneya Komara Îslamî ya Îranê li Silêmaniyê kirin û careke din hevxemiya xwe nîşan dan.

PUKMEDIA