Fireksiyona Yekîtî hewil dide derçûyan bi kar bike

Ajansan

Derçûyên zanîngehên Herêmê

Fireksiyona Yekîtiya Niştimanî ya Kurdistanê bi hemû hewlekê dixwaze xizmeta welatiyan ji hemû pêkhate û mezheban bike û di vê derbarê li ser erkdarkirina xwendekarên pileyên yekem yên Herêmê dixebite bi hemahengiya di navbera Hikûmeta Herêma Kurdistanê û Hikûmeta Federal de.

Em hewl didin ku derçûyên yekem bi kar bikin

Herêm Kemal Axa, serokê fireksiyona Yekîtiya Niştimanî li Civata Nûneran ji PUKMEDIA re ragihand: Em bi hemahengî ligel Encûmena Xizmetguzarî û Wezareta Xwendina Bilind a Federalî kar dikin ji bo destnîşankirina derçûyên bilind li zanîngeh û peymangehên Herêma Kurdistanê.

Got jî: Pirsgirêka naskirina hin zanîngehan heye û biryar hat dayîn piştî dengdana li ser yasaya Wezareta Xwendina Bilind ev kêşe bên çareserkirin û em di Yekîtîya Niştîmanî ya Kurdistanê de jî gelek piştgirîya wê yekê dikin.

Wî jêderî eşkere kir: Yekîtiya Niştimaniya Kurdistanê bi dijwarî kar dike bo destnîşankirina yekem derçûyan ku hejmara wan 11 hezar derçûyan e.

Hemahengî bi encumena Xizmetê re

Nûnera Komîteya Xwendina Bilind di Civata Nûneran de Bedriya Hisên ji PUKMEDIA re ragihand: Em di Komîteya Xwendina Bilind de hewl didin ku biryara destbikarkirinê bidin ku derçûyên bilind ên zanîngeh û peymangehên Herêma Kurdistanê werin bikarkirin.

Herwaha got: Em bi berdewamî li gel wezaretên xwandina bilind ên herêma Kurdistanê û hikûmeta federal di peywendiyê de ne, daku biryara destbikar kirina derçûyên herêma Kurdistanê jî hebe û ji bo vê yekê me daxwaz ji hikûmeta herêma Kurdistanê kir ku lîsteyek navên xwandekaran bide.

Wê diyar kir: Me li gel endamên Encumena Xizmetguzariyê li Êraqê axivî û wan ti nerazîbûn li ser destnîşankirina van xwendekaran tinebû, lê wan lîsteya nav û hejmara wan xwest û me jî ji Wezareta Xwendina Bilind a Herêma Kurdistanê xwest. Hikûmet navên van xwendekaran ji Encûmena Xizmeta Federal re bişîne.


PUKMEDIA