Têgihiştineke baş di navbera Herêma Kurdistanê û Bexdayê de heye

Buroya Çapemeniyê ya Qubad Talebanî

Cîgirê Serokwezîr û Nûnerê Neteweyên Yekbûyî

Cîgirê Serokwezîr Qubad Talebanî li gel Nûnerê Netewên Yekgirtî li Herêma Kurdistanê Frank Rivolto civiya û di civînê de pêşhatên dawî yên siyasî yên Iraq û Kurdistanê, hilbijartin û çend mijarên din ên balkêş gotûbêj kirin.

Di destpêka hevdîtinê de ku roja sêşemê (21.05.2024) hat lidarxistin, Cîgirê Serokwezîr rola UNAMI bi taybetî nûnera berê ya Sekreterê Giştî yê NY Jenine Plaschardt di çareserkirina pirsgirêkên siyasî yên Iraq û Kurdistanê de bilind nirxand.

Derbarê peywendiyên navbera Herêma Kurdistanê û Bexdayê de jî, Qubad Talebanî eşkere kir ku di vê qonaxê de ji bo çareserkirina pirsgirêkan têgihiştineke baş heye.

Her wiha got:“Rast e ku di navbera her du aliyan de gelek pirsgirêkên kombûyî hene, lê em dikarin bi îradeya baş û xebata hevbeş gav bi gav pirsgirêkan çareser bikin, ji ber ku bêyî çareserkirina pirsgirêkan û bêyî stratejî û xebata hevbeş , em nikarin fikira pêşketina Iraq û Kurdistanê bikin û jiyaneke minasib ji bo welatiyan dabîn bikin.’’

Pirsa hilbijartinên parlamentoya Kurdistanê mijareke dinê hevdîtinê bû û dawî pêşhatên derbarê hilbijartinan de hatin gotûbêjkirin.

PUKMEDIA