Hêzên Pêşmerge, artêşa Iraqê û hêzên hevpeyman civîneke bilind li dar dixin

PUKMEDIA

Dîmenê hevdîtinê

Îro 18.05.2024ê di civîneke bilind de bi amadebûna Fermandarê Giştî yê Hêzên 70 Serleşker Omer Salih Hesen, Rêveberê Giştî yê Dijî Terorê Wehab Helebce, Cîgirê Fermandeyê Komando Diyar Omer û Serxîl Kemal  Rêveberê Operasyonên Ewlekariyê, Albay Zatiar Husên Zuber Alîkarê Operasyonên Hêzên 70 û   Şandeke leşkerî ya pilebilind a artêşa Iraqî bi serokatiya Alî Meşcel El Malikî, fermandarê operasyonên li rojhilatê Selahedînê, û amedebûna  hêzên hevpeymaniyê li navenda hêzên 70.

Li hevdîtinê de tekez li ser berdewamiya hemahengî û karê hevbeş di navbera hêzên Pêşmergeyên Kurdistanê û artêşa Iraqê de hate kirin, ji bo parastina asayîş û aramiya navçeyê û parastina wê ji metirsiya terorîstên DAIŞê , lidarxistina operasiyonên leşkerî yên hevbeş di navbera hêzên pêşmerge û artêşa Îraqê de bo jinavbirina paşmahiyên terorîstên DIŞIê bi taybetî li deverên ku valahiya ewlekarî heye û li ser sînorê di navbera hêzên pêşmergeyên Kurdistanê û artêşa Îraqê de ne. 

Mijareke din a civînê girtina wan kesên ku qanûnan binpê dikin û radestî yasayê dikin, her du aliyan pilan û bernameyên xwe li ser van mijaran pêşkêş kirin û têbînî û nêrînên xwe bi berfirehî di navbera beşdarên civînê de hatin gotûbêjkirin.

PUKMEDIA