Serok Bafil: di rêvebirina welat de bi hevkariyeke rasteqînî bawer in

Ofîsa Ragihandinê ya Serok Bafil

Serokê YNKê Bafil Celal Talebanî

Serokê Yekîtiya Niştimanî ya Kurdistanê (YNK) Bafil Celal Talebanî li Washingtonê pêşwazî li Nûnerê Taybet ê Amerîka bo Karûbarên Binesaziya Cîhanî û Asayişa Enerjiyê Amos Hochstein û Rêveberê Ofîsa Karûbarên Iraqê li Wezareta Derve ya Amerîkayê Steve Bittner kir.

Di civînên ku bi amadebûna Derbaz Kosret Resûl Berpirsê Buroya Peywendiyên Derve hat lidarxistin, pêşhatên dawî yên li Herêma Kurdistanê, Iraq û navçeyê hatin gotûbêjkirin.

Serok Bafil: Herêma Kurdistanê xwediyê jêrxaneyeke bihêz e

Serok Bafil Celal Talebanî rewşa giştî ya Herêma Kurdistanê û sektora enerjiyê şîrove  kir û got: ‘’Herêma Kurdistanê xwediyê jêrxaneyeke bihêz a gazê ye û divê bi berpirsyarî tevbigerin gel wê, pêwîste ev sektor bi stratejiyeke nû û niştimanî were pêşxistin û jêrxana aborî ya Herêma Kurdistanê bihêztir bike, dahata wê di xizmeta gel û bexteweriya herêma me de be, ev armanc e ku em hewl didin bi dest bixin û em dixwazin bi cih bînin û ber bi dewlemendî û refahê ve biçin.”

YNK razî ye ku bi destûrê welat birêve bibe

Hevdem li Waşingtonê, Serok Bafil Celal Talebanî bi Ofîsa Karûbarên Rojhilata Nêzîk li Wezareta Derve re maseya dorveger li dar xist.Di civînê de Ofîsên Têkoşîna Dijî Terorê, Karûbarên Leşkerî û Siyasî, Demokrasî û Mafên Mirovan û Xebatê, Operasyonên Pevçûn û Îstîqrarê, Îstixbarat û Lêkolînê amade bûn.

Di destpêka vê masê de Serok Bafil bi berferehî behsa bûyer û guhertinên siyasî kir û siyaseta niştimanî ya YNKê weke hêzeke bi bandor û berpirs li hember Herêma Kurdistanê û gelê Kurdistanê şirove kir û got:’’Hewldanên me her tim ji bo kûrkirina jiyana hevbeş û bidawîkirina nakokiyan bûne. Me her tim piştgiriya çareseriya aştiyane ya pirsgirêkan kiriye û em bi şirîkatiyeke rasteqîne di birêvebirina welat de bawer in. Me bi hevkarên xwe yên li Bexdayê re li hev kiriye ku berjewendiyên herî bilind biparêzin û  li ser esasê destûr û parastina mafên hemû gelên Iraqê welat birêve bibin.’’

Serok Bafil: Em hemû hewldanên paşxistina hilbijartinan red dikin

Di berdewamiya maseya dorveger de Serok Bafil ji bo beşdaran behsa hilbijartinan û yekxistina hêzên pêşmerge kir û got: “Her kes helwesta me ya derbarê hilbijartinan û pêşxistina demokrasiyê li Herêma Kurdistanê dizane, piraniya aliyên siyasî yên din hemfikir in û dixwazin di proseya hikûmetê de guhertin bên kirin, em her hewlek ji bo paşxistina hilbijartinan red dikin û em naxwazin îradeya gel a guhertinê bibe qurbana berjewendiyên taybet.”

Xebatên ji bo birêxistinkirina hêzên Pêşmerge berdewam dikin

Di derbarê pirsa Pêşmerge de jî Serok Bafil got:"Hewldanên ji bo birêxistinkirin û niştimankirina hêzên Pêşmerge berdewam in û emlê  bi hêvî ne.Em spasiya piştgirî û alîkariyên hevpeymaniya navdewletî bi taybet Amerîka dikin ku proseyê bileztir kiriye û tekezî li ser berdewamiya hemahengiya leşkerî û istixbaratî bo parastina jiyana xelkê û aramiya navçeyê dikin, ji ber ku metirsiya terorê berdewam e û divê em hemû bi hev re rûbirûyê wê bibin.’’

PUKMEDIA