Dahata Silêmanî ya heftane zêdetirî 10 milyar e

PUKMEDIA

Cîgirê Serokwezîr Qubad Talebanî

Dahata Silêmaniyê ji 4-5-2024 heta 10-5-2024’an ,wate ya yek hefteyê tam 10 milyar , 506 milyon , 972 hezar û 708 dînar bûye.

Dahata parêzgehên Silêmanî û  Helebce, her wiha rêvebiriyên serbxwe Raperîn û Germiyanê 10 milyar , 506 milyon , 972 hezar û 708 dînar bûye, ji wê 100\83% ji dahatê bi pere  û 100\17% jî çek e.

Qubad Talebanî pêşengê Zelalbûnê ye di dahat de

Piştî 30 salên desthilatdariya Kurd li Herêma Kurdistanê, Qubad Talebanî Cîgirê Serokwezîrê Hikûmeta  Herêma Kurdistanê, roja 15.12.2022ê projeyek ji bo şefafiyeta hinartina neftê li parêzgehên Silêmanî û Helebce û Rêveberiyên Germiyanê û Raperînê  ragihand ku di vî warî de yekemîn e li Kurdistan û Iraqê bi giştî.

Ev proje di nav derdorên Kurdistanê de bi awayekî berfireh hate pêşwazîkirin û daxwaz kirin ku ew proje bi giştî were kirin û ji hemû herêmên Kurdistanê ku îthalata neftê lê heye  jî hebe.
Qubad Talebanî di axaftina xwe ya li ser ragihandina projeyê de got: “Ez projeyek girîng radigihînim, ew jî projeya şefafiyeta hinardekirina neftê ye.”

Pêwîste Zelalbûn bibe malê hemû Kurdistan

Got jî: Zelalbûn bernameyeke ku hemû hinardekirina neftê li parêzgehên Silêmanî û Helebce û îdareya Raperîn û Germiyanê dihewîne, ku rojane bi şefafîyeteke temam tên komkirin û tomarkirin daku her kes li her demê hûrgilîyên wan hinardekirinê bibîne bi rêya malpera shafafiat.com.”

Cîgirê  serokwezîr di berdewamiya axaftina xwe de got: Ev bîr û hizra hanê derketiye holê ji ber ku şefafiyet bingeha bingehîne ji bo peydabûna pêbaweriyê di navbera hemwelatiyan û her desthilateke siyasî li cîhanê, lewra girînge hûn lê binêrin.

PUKMEDIA