Serok Bafil li Washington: Em piştgiriya çaksazî û yekxistina hêzên Pêşmerge dikin

Nivîsgeha Ragihandinê ya Serokê YNKê

Serok Bafil û Kongresman Brad Schneider

Serokê Yekîtiya Niştimanî ya Kurdistanê (YNK) Bafil Celal Talebanî li Washingtonê li gel endamê komîteya derve ya civata nûneran (Demokrat) Kongresman Brad Schneider civiya.

Di civîna ku bi amadebûna Derbaz Kosret Resûl Berpirsê Peywendiyên Derv , pêşhatên dawî yên li deverê de hate nirxandin û tekez li ser berdewamiya hewlên navnetewî bo parastina aramî û asayîşa deverê hate kirin.

Serokê YNKê Bafil Celal Talebanî jî ragihand, berdewambûna diyaloga berpirsane di navbera hêzên siyasî yên Herêma Kurdistanê û Iraqê de, faktora sereke ye ji bo bidestxistina aramiyê û arastekirina welat ber bi geşbûnê ve. Ji bo vê jî divê her kes berjewendiyên netewî pêş bixe û xebat di xizmeta gel de be.

Mijara teror û berdewamiya alîkariyan bo hêzên Pêşmerge mijareke dinê hevdîtinê bû û di vê derbarê de Serok Bafil got, em tekez li ser çaksazî û yekxistina hêzên Pêşmerge di nava hêzeke niştimanî  û netewî de dikin. Berfirehkirina hemahengiya serbazî di navbera Herêma Kurdistanê, Iraq û hevpeymaniya navdewletî de dê bibe sedema aramiya zêdetir li navçeyê û ji holê rakirina metirsiya terorê li ser jiyana xelkê.

Di dawiya hevdîtinê de Serok Bafil balkişand li ser parastina mafên destûrî yên gelê Kurd li Iraqê û amaje bi wê yekê jî kir ku baştirîn bijarde ji bo guhertina di proseya hukimdariyê de û ber bi herêmeke demokratîk û geştir ve hilbijartine, ku em tekezî li ser lidarxistina wê di dema xwe de dikin.

PUKMEDIA