Ji ber şewatê bazirganên Hewlêrê bi milyonan dolar zerar dîtine

Kurdistan 12:57 PM - 2024-05-06

Agirê li bazara Hewlêr

Şewateke mezin li Bazara El-Qeyserî ya ku yek ji bazarên kevnar ên bajarê Hewlêrê ye derketiye û dîroka wê nêzîkî 200 salan e li bazarên Hewlêrê, ku ziyaneke mezin gihandiye karsaz û xwediyên dîkanan, ku bi milyonan dolar tên texmînkirin.

Di encama şewata şeva borî Yekşemê 5/5/2024 de, nêzîkî 370 dîkan şewitîn û hejmareke din jî ziyan dîtin.

Çar şewatên mezin û 650 dîkan şewitîn

Qaêmmeqamê Hewlêrê Nebz Ebdulhemîd îro danê sibê di kongreyeke rojnamevanî de ragihand: Lêkolîn li ser rewş û sedemên derketina agir li Bazara Qeyserî dest pê kiriye û heta niha sedema sereke ya derketina agir ne hatiye zelalkirin û sedema belavbûna wan şewatan jî xemsariya hin xwediyên dikanan e ku kelûpelên xwe li derveyê dîkanên xwe dihêlin û wan bi perdeyan pêç dikin.

Ji destpêka îsal ve 4 şewatên mezin li bajarê Hewlêrê derketine, ku 2 ji wan li bazara Lenge û ya sêyem jî li bazara Şêx Allah û ya çarem li devera pîşesazî ya li bakurê bajêr bûye 650 dikanên bazirganî şewitîn û zêdetirî hezar dîkanên din jî zirar dîtin.
Bi gotina rêveberê beşê teknîkî li rêveberiya berevaniya sivîl li Hewlêrê Koçer Ebdullah, di sala 2024ê de nêzîkî 330 şewat li Hewlêrê rûdane û piraniya wan şewatan jî ji ber xemsariya welatiyan û rêznegirtina şert û mercên ewlehiyê ye.

Li gorî şopandinên PUKMEDIA, heta niha ji bo kesên ku di van şewatan de zirar dîtine ne hatine qerebûkirin ji ber ku zirarên wan bi milyonan dolar tê texmînkirin, guman heye ku li pişt van şewatan dest hene ji bo destdanîn li ser milkên wan.
Di 5ê Tebaxa 2018an de jî agirekî mezin li bazara Lenge ketibû û di encamê de 300 dîkan şewitîn û ziyana wê demê bi dehan milyon dolar bûn.

PUKMEDIA