Şandeke YNKê li Dubey girêbestên çandinî û veberhênanê îmze dike

Taybetî

Şanda YNKê

Şandeke Yekîtiya Niştimanî ya Kurdistanê (YNK) li Dubayê ye û çendîn girêbest ji bo sermayeguzarî û avakirina kargehan li Silêmaniyê îmze kirine.

Şand ji berpirsê çavkaniyên darayî yê giştî yê YNKê Şêx Ehmedî Nokan û endamê Mekteba Siyasî rêheval Şêx Daro pêk tê û li gorî PUKMEDIA'yê , peymanên hatine îmzekirin di warê bazirganî, çandinî û veberhênanê de ne.

Di vê derbarê de çavkaniyek di nava şanda han de ji malpera fermî ya Yekîtiya Niştimanî ya Kurdistanê (PUKMEDIA) re ragihandiye:“Ji bilî îmzakirina çend girêbestan, şande dê sûdê ji ezmûna sermayedarên Dubey di warê veberhênan û sermayeguzariya berfireh de werbigire.’’

“YNK dixwaze sektora çandinî û xurek li parêzgehên Silêmanî û  Helebce, her wiha rêvebiriyên serbxwe Raperîn û Germiyan vejîne , ewlehiya xwarinê biparêze û derfetên kar berfireh bikin. "Çavkaniyê got.
Li gor jêderê:“YNKê peywendiyên bihêz li gel berpirs û sermayedarên Îmaratê hene û hewl dide wan peywendiyan zêdetir pêş bixe, daku sûd ji welatiyên Silêmanî, Helebce, Raperîn û Germiyanê re werbigire ku jîngeheke guncaw a çandinî, veberhênan û aborî heye.’’

Şanda YNKê ev çend roje bi serdaneke fermî li Îmaratê ye û biryare çendîn civînên girîng pêkbînin.

PUKMEDIA