Çar balyozên nû yên Iraqê dest bi kar bûn

PUKMEDIA

Serok û çar balyozên nû

Serokkomarê Iraqê  bawernameya dîplomatîk ya 4 balyozên nû wargirt.

Balyozên nû yên Bahreyn, Malta, Portekîz û Angola li Iraqê dest bi kar bûn ji wan  Xalid Ehmed Mensûr wek balyozê nû yê Behrêynê, Corc Seîd Zamît wek balyozê nû yê Maltayê, Fernando de Uri wek balyozê nû yê Portekîzê û Jose Martinez wek balyozê nû yê Angola  ku ji aliyê serokomarê Iraqê  ve Dr. Letîf Reşîd ve hatin destnîşankirin ki  gor agahiyê PUKMEDIA.

Li hevdîtinên ku îro duşemê bi awayekî cuda li Koşka Selam a Bexdayê hatin lidarxistin, Serokomarê Iraqê daxwaza Iraqê ji bo avakirina peywendiyên pêşkeftî û hevseng ligel welatên cîran û cîhanê li ser bingeha rêzgirtina dualî û hevkariyên cidî di gelek waran de dûpat kir.

Li gor daxuyaniya çapemeniyê, Serokomar hêviya serkeftinê ji balyozên nû re di cîbicîkirina erkên wan  de û berdewamiya hemahengî û şêwirîna di navbera Iraq û welatên wan de li ser gelek pirs û mijarên berjewendiya hevbeş xwest.

Ji aliyê xwe ve, balyozên nû tekezî li ser daxwaza welatên xwe ji bo bihêzkirina peywendiyên xwe li gel Iraqê û pêşxistina wan di hemû waran de kirin.

PUKMEDIA