Pîrozbahiya YNK`ê ji bo cejna serê sala nû ya Êzdiyan

PUKMEDIA

Logoya Yekîtiya Niştimanî ya Kurdistanê

Bi boneya hatina cejna serê sala Êzdiyan, mekteba siyasiya Yekîtiya Nîştimanî ya Kurdistanê YNK`ê pîrozbahiyên germ pêşkêşî Êzdiyan dike. 
Eve jî naveroka peyamê ye:
"Bi boneya hatina serê sala Êzdî, em pîrozbahî li xûşk û birayên Êzdî li Kurdistan, Êraq û Cîhanê dikin û em hêvîdarin cejna xwe bi şadî û aramî bi ser bibin.

Gelê me yê Êzdî pêkhateyekî resen yên Kurdistanê ne û çendîn serkirde û fermandarên jêhatî bi awayekî aktîv beşdarî di tevgera rizgariya kurdî de û bi taybetî di Şoreşa Nû de kirine û di nav tekoşîna çekdarî de qurbanî dane. Her weha di dîroka dêrîn û hevçerx jî de çendîn car ji aliyê dijminan ve rastî jenosîdê û qirkirinê hatine, nexasim berî çend salên borî di dema êrişên toroîstî yên DAIŞ de, lê gelê Êzdî rijdbûne li ser parastina nasnameya xwe ya taybet. 

Yekîtiya Niştimanî ya Kurdistanê YNK`ê wek herdem parastina nasnameya Êzdiyan û taybetmendiyên wan bi erkê xwe dizane û daxwaz dike ku gavên avadankirina navçeyên ziyan berkeftî bi hemahengiya zêdetir di navbera hikûmeta Herêma Kurdistanê û hikûmeta Federal de bi armanca vegera awareyan bo dever û warên xwe û êş û azarên wan de ji dosyeyên din bên dûrxistin.

Bi vê boneyê em tekezî li giringîdana dabînkirina jiyan û jiyareke bi rumet û jêhatî ji bo hemû Êzdiyan dikin, ji bo misogerkirina pêşerojeke baştir û kûrkirina rewanê pêkvejiyana aştiyane di navbera pêkhateyên cuda yên Kurdistanê û hemû pêkhateyên Êraqê."
                                                                                       
Mekteba Siyasî ya Yekîtiya Niştimanî ya Kurdistanê (YNK)

PUKMEDIA