Zêdeyî 200 hezar geştiyar serdana Kurdistanê kirine

Kurdistan 08:58 AM - 2024-04-13

Seyrangeha Dûkanê

Bi minasebeta hatina meha pîroz a Remezanê û cejnê zêdetirî 200 hezar geştyar derbasî Herêma Kurdistanê bûne û serdana deverên geştiyariyê dikin.

Nêzîkî 75 hezar geştiyar li Silêmaniyê ne

Berdevkê Rêveberiya Geştûguzariya Silêmaniyê Aram Şivanî di kongreyeke rojnamevanî de ragihand, bi helkefta cejna Remezanê nêzîkî 75 hezar geştiyar serdana parêzgeha Silêmaniyê kirine.

Nêzîkî 56 hezar geştiyar li Hewlêrê ne

Ji aliyê din ve Berdevkê Rêveberiya Geştûguzariya Hewlêrê Narîman Fazel ragihand ku îro nêzîkî 56 hezar geştiyar serdana parêzgeha Hewlêrê kirine.

Nêzîkî 58 hezar geştiyar li Helebceyê ne

Rêveberê Geştûguzariya Helebce Çiya Qasim amarên parêzgeha Helebce eşkere kir û got:“Ji ber cejnê zêdetirî 58 hezar geştiyar serdana Helebce kirine û em pêşbînî dikin ku ev hejmar zêdetir bibe.

PUKMEDIA