Talebanî: Seddam û rejîma wî nekarîn îradeya gelê me bişkînin

PUKMEDIA

Cîgirê Serokwezîr

Cîgirê Serokwezîrê Herêma Kurdistana Iraqê  bi boneya salvegera rûxandina dîktatoriya Beisê peyamek belav kir û got:“Seddam û rejîma wî nekarîn îradeya gelê me bişkînin û Kurd ti carî teslîmî rêveberî û dîktatoriyê nebûn û bêguman ev gel dê di pêşerojê de jî teslîmî ti xweferzkirineke din nebe.’’

Cîgirê Serokwezîr Qubad Talebanî li ser hesabê xwe yê Facebookê peyamek belav kir û got:  “Bi hemû zulm û xwînrijandina xwe, bi jenosîd û Enfalê, bi kîmyabarana Helebceyê, bi darvekirina girtiyên siyasî, bi wêrankirina gundan, bi koçberkirina bi darê zorê û sirgûnkirina Kurdên Feylî nikarî vîna kurd bişkîne.’’

Her wiha got:“Tevî van hemû tawanan û gelek tawanên din, Seddam û rejîma wî nekarîn îradeya gelê me bişkînin û Kurd ti carî teslîmî rêveberî û dîktatoriyê nebûn û bê guman ev gel dê di pêşerojê de jî teslîmî ti xweferzkirinekî din jî nabe.’’

PUKMEDIA