Serok Komar tekezî li ser berdewamiya diyalogê di navbera herdu hikûmetan de dike

Mekteba ragihandinê yê serok komar

Serok Komar û Serokê Herêmê

Îro yekşem 07.04.2024 birêz Serok Komar Dr.Ebdul Latîf Cemal Reşîd li Koşka Selam a Bexdayê pêşwazî li Serokê Herêma Kurdistanê birêz Nêçîrvan Barzanî kir.

Di hevdîtinê de rewşa giştî ya welat û pêşhatên wê bi taybetî peywendiyên di navbera hikûmeta federal û hikûmeta Herêma Kurdistanê hatin gotûbêjkirin û cenabê Serok Komarê giringiya çareseriya guncaw ji bo mûçeyên Kurdistanê hatiye encamdan diyar kir.

Serok Komarê tekezî li ser wê yekê kir ku pêwîst e di destkeftên girîng de sermaye were kirin ji bo berdewamiya diyaloga bi bandor di navbera hikûmeta federal û hikûmeta herêmê de ji bo çareser kirina pirsgirêkên mayî li gor destûr û yasayê û pesnê sebir û aqilbûna welatiyên Kurd li hember rewşên dijwar û aloz ku rasterast bandor li rewşa jiyana wan kiriye, da.

Birêz Serok herwiha balkişand ser temam kirina amadekariyên pêwîst ji bo lidarxistina hilbijartinên Herêma Kurdistanê bi beşdariya hemû aliyên siyasî yên navçeyê kir û rola Serokê Herêmê birêz Nêçîrvan Barzanî di dîtina çareseriya pirsgirêkan û xurtkirina peywendiyên di navbera hikûmeta federal û hikûmeta herêmê de bilind nirxand. Amaje bi berdewamiya diyaloga di navbera hikûmeta federal û Herêma Kurdistanê de kir, ji ber ku ew yekane rêya çareserkirina pirsgirêkan ye.

Li hember de jî Serokê Herêma Kurdistanê tekez kir dîtina çareseriyê ji pirsgirêka mûçe re dibe sedemek ji bo xurtkirina pêwendiyan di navbera herdu hikûmetan de, û pêşde birina hewldanên ji bo çareser kirina kêşeyên din.

Birêz Nêçîrvan Barzanî rol û hewlên Serok Komarê li rêkeftina li ser mijara mûçeyan û hewla berdewam ya ji bo nêzîkkirina nêrînên di navbera hêzên siyasî de bilind nirxand û tekez li ser bihêztirkirina hevkarî û hemahengiya di navbera hemû hêzên siyasî de ji bo parastina ewlekarî û aramiyê li welat kir.


PUKMEDIA