Herêm: Karmend li benda xerckirina mûçeya meha Adarê ne

PUKMEDIA

Pere

Biryare îro Pêncşemê Wezareta Darayî ya Hikûmeta Herêma Kurdistanê proseya dabînkirina mûçeyên meha Sibatê bi dawî bike piştî paşxistina du mehan, karmend niha li benda xerckirina mûçeya meha adarê ne.

Ev çend sal in karmendên Herêma Kurdistanê tûşî pirsgirêka paşxistina mûçeyên wan bûne, bi hewl û hewldaneke mezin, piştî biryarek ji aliyê Hikûmeta Federal ve mûçeyên meha Sibatê ji wan re hat dayîn.

Wezareta Darayî ya li hikûmeta federal, 680 milyar dînar weke terxankirin ji bo mûçeyên karmendan, lênêrîna civakî û malbatên şehîdan û enfalkiriyan ji Herêma Kurdistanê re şand.

Wezareta Darayî jî li gorî biryara Dadgeha Federalî, 353 milyar dînar wek pere ji bo mûçeyên mayî yên meha Sibatê yên endamên saziyên ewlehiyê yên Herêma Kurdistanê belav kir.
Bi vî awayî ew pereyê ku ji hikûmeta federal ji bo hikûmeta Herêma Kurdistanê hatiye şandin, zêdetirî 961 milyar dînar e û weke mûçeyên meha Sibatê dê were dayîn.

Fireksiyona Yekîtiya Niştimanî banga çareserkirina pirsgirêka mûçe kir

Nûnera Yekîtiya Niştimanî ya Kurdistanê Biryar Reşîd ji PUKMEDIA re ragihand: Yekîtiya Niştimanî di civîna xwe ya dawî de li gel Serokwezîrê Federalî, mijara mûçeyê karmendan xiste rojevê û me daxwaz ji wî kir ku çareseriyeke radîkal ji mûçeyên karmendan re were dîtin.

Got jî: Serokwezîr soza çareser kirina vê kêşeyê da me û spas ji bo xwedê, hewlên Yekîtîya Niştîmanî encam dane û pirsgirêk hatine çareser kirin.
Got jî: Em di Yekîtîya Niştîmanî ya Kurdistanê de dê berdewam bin li ser xebat û karên xwe bo berevanîkirin ji mafên hevwelatîyan û hewla ji bo çareser kirina kêşeyên li pêş wan bi awayekî radîkal bikin.


PUKMEDIA