Fireksiyona YNK bang li Sûdanî dike ku pirsgirêka mûçe çareser bike

Nivîsgeha Ragihandinê yê serokwezîr

Civîna YNK bi Serok Wezîr re

Yekîtiya Niştimanî ya Kurdistanê bi amadebûna wezîrên jîngeh û dadwerî û serokwezîrê federal Mihemed Şeya El-Sûdanî li Civata Nûneran civiya.

Di civîna ku li avahiya encumena wezîran hat lidarxistin de, Yekîtiya Niştimanî çendîn daxwazên xwe yên li ser jiyan û debara jiyana welatiyên Herêma Kurdistanê û navçeyên nekok ji Serokwezîrê Federalî re pêşkêş kirin.

Di destpêka hevdîtinê de Serokwezîrê Federalî amaje bi rola girîng ya serok Mam Celal kir di avakirina Êraqa nû û yekkirina azadî û bihêzkirina hemahengî û pêkvejiyana di navbera hemû pêkhateyan de kir û got: Yekîtiya Kurdistanê hevkarekî bingehîne di hikûmeta federal de û helwesta Yekîtî ji bo çareser kirina kêşeyan cihê rêzgirtinê ye û berdewamiya siyaseta Serok Mam Celal e.

Serokwezîrê Federal amaje bi pêngavên hikûmeta federal jî kir, bi taybetî dosya û pirsgirêkên Herêma Kurdistanê ku di vî warî de gavên dilşad hatine avêtin.

Ji aliyê xwe ve Serokê fireksiyona yekîtî piştevaniya partiya xwe  weke hevkarekî bingehîn ji hikûmeta Sûdanê re bi taybetî di çarçoveya çareser kirina kêşeyan û pêşkêşkirina xizmetgozariyan de tekez kir.

Derbarê pirsgirêka mûçeyan de jî, Yekîtiya Niştimanî spasiya Serokwezîrê Federalî kir ku baldare bo çareser kirina vê kêşeyê ku bûye sedema gelek karesatan bo gelê Kurdistanê. Fireksiyonê  her wiha daxwaz kir ku pirsa niştecihbûnê û hesabên bankî were çareserkirin, ji aliyekî din ve serokwezîr tekez kir ku hikûmet xwe berpirs dibîne ku mûçeyên hemû welatiyên Êraqê bê cudahî peyda bike. Pirsgirêka mûçeyên pêşmerge, hêzên navxwe û dezgehên asayîşê hatiye çareserkirin û pêngavên cêgîrkirdin û hesabên bankî ber bi çareseriyê ve diçin.

Di derbarê hilbijartinên Parlementoya Kurdistanê de, Fireksiyona Yekîtiya Niştimanî ya Kurdistanê helwesta Yekîtî li ser pêwîstiya lidarxistina helbijartinan di dema xwe de dupat kir û li hember de jî Serokwezîr tekez li ser vê yekê kir ku erkê hikûmetê peydakirina bûdceya hilbijartinan e.

Yekîtiya Niştimanî ya Kurdistanê herwiha tekezî li ser pêwîstiya bidawîanîna rêkarên destûrî ji bo hilbijartina parêzgar û avakirina hikûmeta xwecihî ya Kerkûkê kir û pesna rola Serokwezîr di nêzîkkirina pêkhateyan û aliyên serkeftî ji bo lihevkirinê kir.

Di derbarê serweriya ax û esmanê Êraqê û asayîşa navçeyê de, Yekîtiya Niştimanî ya Kurdistanê daxwaz ji hikûmeta federal kir ku hewlên xwe ji bo çareserkirina wan dosyayan bi rêyên dîplomatîk zêdetir bike, serokwezîr daxwaza xurtkirina erk kir ji bo rakirina qedexeya li ser firokexaneya navdewletî ya Silêmaniyê, serokwezîr di vê derbarê de hebûna diyaloga bi Tirkiyê re û hewla çareserkirina vê pirsgirêkê piştrast kir.

PUKMEDIA