Serok Bafil: Em piştgiriya xwe ji bo biryarên Dadgeha Federalî nû dikin

PUKMEDIA

Serok Bafil

Serokê Yekîtiya Niştimanî ya Kurdistanê Bafil Celal Talebanî derbarê rola Dadgeha Federalî ya Êraqê de daxuyaniyek belav kir û têde wiha got: Serxwebûna dadweriyê yek ji stûnên bingehîn ên pêkhateya demokratîk û rêya rêvebirina welatên pêşkeftî ye û bihêzkirina serweriya yasa û stûnên dadweriyê yek ji stûnên aramiya siyasî û civakî ye ku garantî û misogerkirina mafên welatiyan û civakê li Êraq û Herêma Kurdistanê.


Di demekê de ku em piştevaniya xwe bo biryarên Dadgeha Federalî û rola wê ya naskirî di parastina destûr, pêkanîna dadwerî û parastina rêya destûrî ya sîstema demokratîk nû dikin, em her muameleyeke xirab li hember dadgeha federal red dikin ku dadgeheke serbixwe û pîşeyî ye û di parastina sîstema siyasî li Êraqê de xwedî rol bû, parastina serxwebûna wê û rûbirûbûna her cure binpêkirina wê de erkên destûrî û erkên niştimanî de ye.

Desthilatdariya dadwerî ya Êraqê bi serxwebûna xwe tê naskirin û rêzgirtin ji wê re pêşketin û şaristaniya civakê nîşan dide û faktereke girîng e ku welatiyan hest bi aramî, ewlekariyê dike û mafên wan misoger dike.

‏‎
Werin em bi hev re bixebitin ku ruhê rêzgirtinê ji yasayê re bihêlin, fêr bibin ku bikar bînin û tasbîtkirina serxwebûna dadgehê û paqî û yekrêzî û bêalîbûna dadweriyê pêk bînin, ku serok Mam Celal di destûra bingehîn a Êraqê de tesbît kiribû.


PUKMEDIA