YNKê: Meaş sereke ye ne ku beşdarnebûna hilbijartinana

Kurdistan 04:14 PM - 2024-03-20

Saadî Ehmed Pîre

Yekîtiya Niştimanî ya Kurdistanê (YNK) tekez dike  ku dê hilbijartin li gorî dema diyarkirî pêk were  û got:  “Me tu carî daxwaza paşxistina hilbijartinan nekiriye û beşdarbûn yan jî beşdarnebûna partiyek ne mijara yekem e û berî her tiştî mûçe mijara yekeme.’’

Ji bo hilbijartin di dema xwe de bên kirin dê hemû hewlan bidin

Berdevkê Yekîtiya Niştimanî ya Kurdistanê (YNK) Saadî Ehmed Pîre di hevpeyvînekê de ligel televîzyona Kurdsat got: "Daxwaza vekişîna ji hilbijartinan wê pêvajoyê hêsan neke. Ev jî tiştekî sosret e. Em wekû YNK ti carî li gel paşxistina hilbijartinan nînin. Berovajî vê yekê emê hemû hewlên xwe bidin ji bo ku hilbijartin di dema xwe de bên kirin û  mûçeyan belav bikin."

Koalîsyon piştgirî nade paşxistina pêvajoya hilbijartinê

“Behaneyên paşxistina hilbijartinan lawaz in û eger hewlên zêdetir ji bo paşxistina hilbijartinan bên kirin, dê avahiya herêmê têk biçe, lê ti hevpeymanên me yên navdewletî piştevaniya paşxistina hilbijartinan nakin, em di wê baweriyê de ne ku yek alî nebûna hilbijartinan, lê wê ji pêvajoyê re pirsgirêkan derxe."Her wiha got

Têkildarî pirsgirêka mûçeyan jî wiha got:“YNK’ê hertim tekezî li ser dayîna mûçeyan kiriye û ji sala 2014’an ve em daxwaz dikin ku mûçe bi rêk û pêk û di dema xwe de bên dabeşkirin.’’

Her wiha got: “Ji ber ku Kurdistan beşek ji Iraqê ye û mûçe jî hatiye niştimankirin, divê mûçegirên herêmê jî tevlî proseyê bibin, ku bi baweriya me tiştekî baş e.’’

“Heger em wisa hizir bikin ku biryarên Dadgeha Federalî bandoreke nerênî li ser herêmê bike, şandina pereyan ji Bexdayê helwêsta Herêma Kurdistanê kêm nake û di zûtirîn dem de hilbijartinên paqij li dar bixin û di dawiyê de jî bi tîmeke nû re danûstandinê ligel Iraqê bikin da ku mafên xwe misoger bikin.”Got

YNK alîgirê dabeşkirina mûçe ye

“YNK li gel wê yekê ye ku mûçeyên ku hikûmeta Iraqê ji Herêma Kurdistanê re şandiye were dabeşkirin, herwiha kêmbûna mûçe jî bi dahata navxweyî û mûçeyê meha Sibatê tê dagirtin, ji ber ku em di wê baweriyê de ne ku serhişkiya di rêveberiyê de xizmeta herêma me nake.’’Pîre got

Dijîtiya  dadgeha federal xelet e

"Em rast nabînin ku li dijî saziyên yasayî yên Iraqê, bi taybetî Dadgeha Federalî derkevin, ji ber ku Kurd di avakirina dadgehê de beşdariyeke aktîf bûye û divê em pirsgirêkên xwe bi diyalogê çareser bikin.Divê em ji bîr nekin ku li Herêma Kurdistanê gelek mijarên diyarker hebûn ku li ser daxwaza aliyek hat derbaskirin û aliyên din tiştek nekiriye ku zirarê bide pêkhateya herêma me."got
PUKMEDIA