YNK li gel wê yekê ye ku hilbijartinên di dema xwe de bên kirin
Kurdistan 05:15 PM - 2024-03-19Logoya Yekîtiya Niştimanî ya Kurdistanê
Mekteba siyasî ya Yekîtiya Niştimanî ya Kurdistanê (YNK) bi serpereştiya Serok Bafil Celal Talebanî civînek li dar xist û bi daxuyaniyekê ragihand ku divê hilbijartin di dema xwe de û bê paşxistin bên kirin.
Li gor daxuyaniya Mekteba Siyasî, YNKê li hemû deveran amadekariyên xwe yên temam ji bo hilbijartinên 10ê Hezîrana 2024an kiriye û got:“Ji ber çi sedemê dibe bila bibe nelirêxistina hilbijartinan di pêvajoya demokratîk de paşveçûnek e û di encamê de rewabûna saziyên herêmê dixe nava pirsê. Tekez dikin ku parastina saziya me ji gef û metirsiyan, tenê bi vegera li raya xelkê û hilbijartina parlemanî ya paqij e.’’
Teksta daxuyaniya civîna Mekteba Siyasî
Serok Bafil Celal Talebanî serpereştiya civîna Mekteba Siyasî kir ji bo gotûbêjkirina amadekariyên dawî yên YNKê li hemû navçeyên Silêmaniyê, Hewlêr, Duhok û Helebceyê ji bo hilbijartinên bê yên parlamentoya Herêma Kurdistanê ku biryare di 10-6-2024an de bên kirin.
Di civînê de tekezî li ser wê yekê hat kirin ku pêwîstiya bilez bi dabeşkirina mûçeyan ji bo jiyan û refaha gelê Kurd heye.
Civîna Mekteba Siyasî ya ku îro (19-3-2024) li Dabaşanê hat lidarxistin, bi bîr xist ku amadehiya demdirêj ya YNKê a ji bo hilbijartinan, tekezî li ser helwesta neguhertî ya wê yekê kir ku hilbijartin di dema xwe de û bê paşxistin were kirin. Weke yekane rêya rast û rewa ya nûkirina pêvajoya demokratîk û rewabûna rêveberiyê li welatê me.
Civîn di wê baweriyê de ye ku nelirêxistina hilbijartinan di dema xwe de, ji ber çi sedemê dibe bila bibe, paşveçûneke di proseya demokrasiyê de ye û di dawiyê de jî rewabûna saziyên herêmê pirsyar dike. Her wiha tekez kir ku, parastina saziya me ji gef û metirsiyan, tenê bi rêya vegera bo raya xelkê û destnîşankirina nûnerên wan di hilbijartinên parlemanî yên paqij de ye, ku nêrîna hemû hêz û aliyan têde be, ji bo çareserkirina pirsgirêkên hilawîstî yên di navbera Herêm û Bexdayê de , bi taybetî pirsa mûçe û refaha xelkê.
Di civîna Mekteba Siyasî de her wiha li ser wê yekê jî helwest nîşan da ku ezmûna zêdetir ji sê dehsalan a Kurdistana azad bi qurbanîdana gelê Kurd hatiye bidestxistin û divê bi veguhestina demokratîk a desthilatê were parastin.
PUKMEDIA
hewal ziyatr
-
Asayîşê dest danî ser kargeheke çêkirina madeyên hişber
06:08 PM - 2024-05-02 -
Rêveberiya Dijî Terorê girtina terorîstekî DAIŞê radigihîne
11:14 AM - 2024-05-02 -
Genimê cotkarên Herêma Kurdistanê 2 trîlyon dînar e
05:22 PM - 2024-05-01 -
Qubad Talebanî: Em ji bo yekkirina mafên yasayî yên kedkaran kar dikin
12:23 PM - 2024-05-01
zêdetir tamaşe bike
Kurdistan 05:51 PM - 2024-05-02 Qubad Talebanî: Em paşxistina hilbijartinan red dikin û rûbirûy her hewldaneke paşxistinê dibin
Ziyad Cebar: Yekîtî beşdarî ti civînekê bo paşxistina hilbijartinan nabe
11:53 AM - 2024-05-02
YNKê: Emê li dijî her hewleke nerewa ya paşxistina hilbijartinan in
11:32 PM - 2024-05-01
Mekteba Siyasî YNKê di civînê daye
06:25 PM - 2024-05-01
Amadekariyên me ji bo hilbijartina berdewam in
04:35 PM - 2024-05-01
zortrin xwendraw
-
Ziyad Cebar: Yekîtî beşdarî ti civînekê bo paşxistina hilbijartinan nabe
Kurdistan 11:53 AM - 2024-05-02 -
Qubad Talebanî: Em paşxistina hilbijartinan red dikin û rûbirûy her hewldaneke paşxistinê dibin
Kurdistan 05:51 PM - 2024-05-02 -
Rêveberiya Dijî Terorê girtina terorîstekî DAIŞê radigihîne
Kurdistan 11:14 AM - 2024-05-02 -
Asayîşê dest danî ser kargeheke çêkirina madeyên hişber
Kurdistan 06:08 PM - 2024-05-02