YNKê daxwaza rawestandina girtina sînorên navbera Iraq û Îranê dike

Arşîv

Beşek ji fraksiyona YNKê û serokwezîrê Iraqê

Firaksyona Yekîtiya Niştimanî ya Kurdistanê li Parlemantoya Iraqê daxwaz ji Serokwezîrê Iraqê kir, zêdegaviyên sînorên navbera Iraq û Îranê rawestîne. Fraksiyona YNKê ragihand: “Wezîrê Navxwe yê Iraqê dê komîteyeke hevbeş ji bo çareserkirina pirsgirêkan bişîne.’’

Parlamenterê Fraksiyona YNKê li Parlamentoya Iraqê Karwan Yarwais ji PUKMEDIA re ragihand: “Me daxwaz ji serokwezîr Mihemed Şîe Sûdanî kiriye ku komîteyeke hevbeş pêk bîne da ku bi cidî li ser zêdegaviyên ku ji ber girtina sînorên di navbera Iraq û Îranê de çêdibin, rawestin.’’

Yarwais got: "Beriya niha bi rêya Wezîrê Dadê Xalid Şivanî yadaştnameyek din pêşkêşî serokwezîr hatibû kir û wezîrê navxwe erkdar kiribû ku proje binirxîne û pirsgirêkan çareser bike û  Wezîrê navxwe yê Iraqê ji Wezîrê Dadê Xalid Şivanî re gotiye ku komîteyeke hevbeş dê ji bo çareserkirina pirsgirêkan bo herêmê bê şandin.’’

Wî her wiha got: "Rûberek mezin ji zevî û mêrgên çandiniyê li pişt bendavê ne û hemû hirç û ajalên kovî ji ber bendavê nikarin tevbigerin û di havînê de wêran dibin. Ji ber vê yekê jî gel û gundiyên herêmê bi dilsozî parastina xaka xwe dikin û ji destpêkê ve me dudilî nekiriye em ê berdewam bikin."
PUKMEDIA