Pêkhat dikarin di lîsteya YNKê de bibin xwedî namzed

Kurdistan 01:14 PM - 2024-03-13

..

Berpirsê Ofîsa Hilbijartinan li Yekîtiya Niştimanî ya Kurdistanê Rizgar Hecî Heme dibêje: Yekîtiya Niştimanî zêdetirî salekê ye amadekariyên xwe ji bo beşdarbûna di hilbijartinên xola şeşemîn a Parlamentoya Kurdistanê de dike.

Got jî: Yekîtiya Niştimanî ya Kurdistanê dê bi lîsteyên cuda li çar baznayên helbijartinên Herêma Kurdistanê beşdariyê di van hilbijartinan de bike û Bafil Celal Talebanî serokê YNK jî serpereştiya Hilbijartinên Yekîtî dike.

Got jî: Yekîtiya Niştimanî dê lîsteyên namzedên bazneyên helbijartinan pêşkêş bike ku ji kesên jêhatî û xwedî karîn û ezmûnên mezin werin pêşkêş kirin, ev yek dê bibe sedem ku dengder kê bibîne bo nûnerê xwe yê rasteqîne li parlamentoyê hilbijêre.

Kursiyên pêkhatî

Rizgar Hecî Heme dibêje: Me li gel hejmareke mezin ji partiyên Kurdistanê li ser dabeşkirina kursiyên pêkhateyan, sererastkirina yasaya hilbijartinan û aktîvkirina Komîsyona Hilbijartinan li hev kir, lê ligel Partiya Demokrat me negihîşt encameke baş. Yekîtî li Dadgeha Bilind a Federalî doz tomar kir û karîbû di dozê de bi ser bikeve.

Got jî: Yekîtiya Niştimanî ya Kurdistanê li gel dabeş kirina kursiyên pêkhateyan û ne betal kirina wan bû, weke biryara dadgeha federalî.
Got jî: pêkhate dikarin xwe li her çar bazneyên helbijartinê yên Herêma Kurdistanê destnîşan bikin û nûnerên xwe yên rasteqîn bişînin parlamentoya Kurdistanê. Di heyama 31 salên borî de xelkê pêkhateyan rastî neheqî û neheqiyeke mezin hatine û em di Yekêtiya Niştimanî de bi hemû hewlên xwe hewl dane ew ji mafên xwe bê par nemînin û ji aliyê ti aliyekî siyasî ve neyên bikaranîn.

Lîsteyên serbixwe

Rizgar Hacî Hema dibêje: Di dema hilbijartinên encumenên parêzgehan de nûnerên tirkmenan li Êraqê kursiyên kota red kirin û bi lîsteyên serbixwe beşdarî hilbijartinan bûn û karîn bi ser bikevin û du kursiyan li parêzgeha Kerkûkê bidest bixin.

Got jî: eger tirkmenên herêma Kurdistanê jî bi hijmara deng û berbijêrên xwe piştrast bin, ew jî dikarin beşdarî hilbijartinan bibin û nûnerên xwe yên rastîn li parlamentoya Kurdistanê hilbijêrin.

Got jî: ewên ku berê digotin nûneratîya pêkhateyan dikirin, di nava parlamentoya Kurdistanê de kêşeyan çêdikirin û ji bo berjewendiya partiyeke siyasî kar dikirin û weke ku me dît di dema hewla aktîvkirina komîsyona hilbijartinan de bi awayekî neyasayî û bi rêkevtin li gel partiyeke siyasî ya diyarkirî divyabû hijmar û çawaniya dabeşkirina kursiyên pêkhateyan li ber çavan bihata girtin, nabe ku hejmara kursiyên encumena nûneran 239 bin, di nav de 9 kursî ji pêkhateyan re be. Li Parlamentoya Kurdistanê hejmara kursiyan 111 kursî û ya kêmîneyan jî 11 kursî ye.

Yekîtiya Niştimanî qurbaniyên mezin da

Berpirsê Ofîsa Hilbijartinan dibêje: Yekîtiya Niştimanî ya Kurdistanê qurbaniyên mezin ji bo piştevanîkirin û piştevanîkirina pêkhateya Herêma Kurdistanê daye û bi awayeke berçav îsbat kiriye ku ew parêzvanê rasteqîne yê pêkhateya herêmê ye.

Got jî: Yekîtîya Niştîmanî qurbanîdaneka mezin da bo parastina herêma Kurdistanê ji metirsîya êrîşên terorîstan û dixwaze jiyaneka baştir bo welatiyan dabîn bike.

Got jî: şandina mûçeyên karmendan ji aliyê hikûmeta federal ve, pêkhateya herêma Kurdistanê lawaz nake, ji ber ku di dema borî da jî mûçeya mûçeyê karmendan ji aliyê hikûmeta federal ve dihate şandin, û Kurd beşdarîya aktîf di hikûmeta federal û civata nûneran de ye. Yekîtiya Niştimanî bi hemû hewlên xwe hewl dide ku mûçeyên karmendan dûrî nakokiyan, siyasetê bin û bi yekcarî dawî li vê pirsgirêkê were.


PUKMEDIA