Komîsyon: Xerca hilbijartinên Parlamentoyê 70 milyar dînar e

Kurdistan 11:35 AM - 2024-03-13

Komisyona Bilind a Serbixwe ya Hilbijartinan

Komisyona Bilind a Serbixwe ya Hilbijartinan xerciya giştî ya hilbijartinên Parlamentoya Kurdistanê aşkere kir, ku biryare 6.10.2024 were lidarxistin.

Berdevka Komisyona Bilind a Serbixwe ya Hilbijartinan Cumane El-Gelayî di daxuyaniyeke ji malpera fermi ya Yekitiya Niştimanî ya Kurdistan PUKMEDIA de ragihand: Serokwezire Federal Mihemed Şeya El Sûdani ji bo belavkirina terxankirina darayî ji bo lidarxistina hilbijartinên Parlamentoya Kurdistanê ferman da Wezareta Darayî.

Her weha got jî: Komisyonê nameyek ji wezareta darayî re şand li ser pereyên pêwîst bo lidarxistina van hilbijartinan û ji ber wê jî xerciya giştî ya lidarxistina helbijartinên parlamentoya Kurdistanê nêzîkî 70 milyar dînarên Êraqî ye.
Wê berdewam kir: Komisyonê pişka darayî bidest xist û li gor wê jî dest bi amadekariyên xwe bo lidarxistina hilbijartinên Parlamentoya Kurdistanê di 10-6/2024 de kir.

Komîsyon amarên tomarkirina biyometrîk eşkere dike

Cûmane El-Gelayî dibêje: Komîsyona Hilbijartinê ji 1ê Sibata derbasbûyî ve dest bi proseya tomarkirina biyometrîk kiriye û heta dema dawî 10ê Adarê de, hejmara dengderên tomarkirî gihîştiye 124 hezar û 667 dengderan, ji wan 42 hezar û 14 dengderên ku di sala 2006an de ji dayik bûne.
Berdevka Komisyonê her wiha got: “Hejmara dengderên tomarkirî li Biyometrîka li parêzgeha Hewlêrê gihîştiye 62 hezar û 777 dengderan, li Silêmaniyê 36 hezar û 92, li Duhokê jî 25 hezar û 798 dengder.

Hejmara dengdêran

Cumane El-Ghelayî dibêje: Hejmara giştî ya dengderên Herêma Kurdistanê 3 milyon û 789 hezar û 360 dengder in û ji wan zêdetirî 2 milyon û 900 hezar dengder bi biyometrîk tomarkirî ne û mafê beşdarbûna li Kurdistanê heye.


PUKMEDIA