Ev Roja Hewlêr bi çavdêriya Kosret Resûl hat rizgarkirin
Kurdistan 10:16 AM - 2024-03-11Serhildana Kosret Resûl Elî li Hewlêr li seata despêka Raperîn
Piştî ku di 5’ê Adara 1991’an de li Ranya li dijî rejîma Baasê serhildan dest pê kir û piştre Silêmanî û çend herêmên din hatin rizgarkirin, di 11’ê Adarê de Hewlêr hate rizgarkirin û rejîma dagirker ji bajêr hate derxistin.
Piştî azadkirina Şeqlawe, Pîrmam û Koyê, rêya azadkirina Hewlêrê hêsan bû, her çend rejîma Beis bi gelek hêz, çek û cebilxane Hewlêrê diparast, lê di meha Adarê de rizgarkirina bajêr dest pê kir. Di 11ê Adarê de bi serokatiya Kosret Resûl Elî şaneyên çekdar ên Brûskê ku hejmara wan 730 şanî bû, dest bi rizgarkirina bajêr kirin û karîn di demeke kurt de bajêr rizgar bikin.
Kosret Resûl Elî: Hûn serbilind bûn ku hûn ji Hewlêrê bûn
Serhildan bi banga bavê Rênas a ji bo hucreyên çekdar ên Brûskê ya “Em nêzî we ne, çalakiyan li dar bixin” dest pê kir û di demeke kin de tevahiya Hewlêr û derdora wê ji destê saziyên zordar ên rejîma Baas hat rizgarkirin.
Kosret Resûl Elî ku serpereştiya hêzên serhildanê kir, got: “Piştî azadkirina Şeqlawe me biryar da ku di 11ê Adarê de Hewlêrê were rizgarkirin, ji ber ku ew roj rojeke mezin e di dîroka Kurdistanê de.’’
“Wê rojê gelê Kurd xwedî yek armanc û plan bû, saet di 06:00 de serhildana Hewlêrê bi şandina nameyekê (ji bavê Rênas bo şaneyên çekdar ên Brûskê, em nêzîkî we ne, dest bi kar bikin) dest pê kir.Bajar hat rizgarkirin, wê rojê hûn serbilind bûn ku ji Hewlêrê bûn."Kosret Resûl got.
Hewlêr berê navenda herî mezin a saziyên Baasê bû, lewma azadkirina wê ne hêsan bû , lê her kes şanaz bû ku ji Hewlêrê ye û destê wî di azadkirina bajêr de heye. Xelkê Hewlêrê bi serkeftina xwe îspat kir ku Hewlêr bajarekî zindî ye û dê zindî bimîne û tu carî zilmê qebûl nake.
Kosret Resûl Elî:Pêşmerge û Gel Raperîn kirin
Kosret Resûl Elî bi boneya 33. salvegera serhildana gelê Kurdistanê daxuyaniyek belav kir û têde wiha ye:
33 saliya serhildana gelê Kurdistanê, Pêşmergeyên qehreman, malbatên şehîdên rûmetê, rêxistinên nehênî yên bajaran, şaneyên çekdar û girseya gel a tevahiya gelê Kurdistanê pîroz dikim û bi hêvî me bibe navokek ji bo hemahengî û yekrêziya rêzan di navbera hemû hêz û aliyên siyasî de.
Berî 33 salan, Hêzên Pêşmergeyên Kurdistanê bi piştevaniya rêxistinên nav bajaran û şanên çekdar û bi beşdariya rasterast a girseyên şoreşger, karîn rûbirûyî rejîma herî bihêz bibin û wê ji Kurdistanê derbixin û axa pîroz Kurdistanê rizgar bikin ji Zaxo heta Xaneqînê.
Îro ku em vê roja dîrokî bi bîr tînin û Kurdistan di rewşek gelek hestiyar û metirsîdar re derbas dibe, pêwîste em ji bo yekrêziya Kurdan û armancên xwe yên negihîştî têkoşînê bikin û bi heman ruhê rojên serhildanê gelê xwe biparêzin.Hêvî dikim ku hêz û aliyên siyasî nakokiyên xwe bidin aliyekî û ji bo xizmetkirina gelê Kurd û çareserkirina pirsgirêkan têbikoşin, tişta ku li ber destê me ye, keda êş û qurbanîdana bi hezaran şehîd û têkoşeran e.
Ez careke din salvegera serhildanê li gelê Kurd pîroz dikim û bejna xwe li ber şehîdan ditewînim.
Hucreyên çekdar ên Brusk roleke mezin lîstin
Şaneyên çekdar ên Brûsk di plana rizgarkirina Hewlêrê de roleke mezin lîstin û bûn pênc beş: beşa yekem ji Koyê heya Mexmûrê, beşa duyemîn ji Koyê heya Şeqlawe, beşa sêyemîn ji Mexmûrê heya navenda leşkerî ya Hewlêrê, beşa çarem ji aliyê Şeqlawa heta navenda leşkerî ya Hewlêrê, beşa pêncem destpêka serhildana Hewlêrê bû û di 11ê Adara 1991ê de hêzên çekdar dest bi operasyona xwe kirin.
Bi giştî Hêzên Pêşmerge li ser du eniyan hatin dabeşkirin, yek ji aliyê Kosret Resûl Elî û ya din jî bi serokatiya Burhanî Seîd Sofî ve û Hemû aliyên Eniya Kurdistanê bi rêjeyên cuda beşdarî rizgarkirina Hewlêrê bûn.
YNK endezyarê serhildanê bû
Serokê Encumena Piştgiriya Yekîtiya Niştimanî ya Kurdistanê (YNK) Hacî Mesîfî derbarê serhildana Hewlêrê de ji PUKMEDIA’yê re got;"Destpêker û endezyarê serhildanê YNK bû, ku karibû hêzên siyasî yên Kurd li eniya Kurdistanê kom bike û wan amade bike bo rûxandina rêjîma Beis a Iraqê."
Girtina Hewlêrê ne hêsan bû, ji ber ku baregehên herî xirab ên rejîma Baas li Hewlêrê bûn, lê me karîbû bi hev re bi rêya çeperan û bi rêya şanên çekdar ên Brûskê planeke xurt ji bo rizgarkirina Hewlêrê pêk bînin. Hecî Mesîfî got: Şervanên Brûsk, emê bi hev re bername û planeke xurt ji bo rizgarkirina Hewlêrê pêk bînin, her çend hinek partî û alî henekê xwe bi fikra YNKê kirin, lê YNKê tekezî li ser wê yekê kir ku ligel civakên gelê Kurd dikare serhildanê bike.
YNK endezyarê serhildana mezin bû, di vê çarçoveyê de plana rizgarkirina Hewlêrê da, di demeke kurt de bajar ji rejîma Baas hat paqijkirin û ji saziyên zordar ên rejîma Baas hat valakirin.
PUKMEDIA
hewal ziyatr
-
Qubad Talebanî: Parastina azadiya çapemeniyê yek ji prensîbên min a siyasî ye
03:20 PM - 2024-05-03 -
Asayîşê dest danî ser kargeheke çêkirina madeyên hişber
06:08 PM - 2024-05-02 -
Rêveberiya Dijî Terorê girtina terorîstekî DAIŞê radigihîne
11:14 AM - 2024-05-02 -
Genimê cotkarên Herêma Kurdistanê 2 trîlyon dînar e
05:22 PM - 2024-05-01
zêdetir tamaşe bike
Salvegera bombebarankirina Goptepe û Esker
12:07 PM - 2024-05-03
Dahata Silêmaniyê di heftiyekê de zêdey 26 milyar dînar e
11:47 AM - 2024-05-03
Qubad Talebanî: Em paşxistina hilbijartinan red dikin û rûbirûy her hewldaneke paşxistinê dibin
05:51 PM - 2024-05-02
Ziyad Cebar: Yekîtî beşdarî ti civînekê bo paşxistina hilbijartinan nabe
11:53 AM - 2024-05-02
zortrin xwendraw
-
Qubad Talebanî: Em paşxistina hilbijartinan red dikin û rûbirûy her hewldaneke paşxistinê dibin
Kurdistan 05:51 PM - 2024-05-02 -
Asayîşê dest danî ser kargeheke çêkirina madeyên hişber
Kurdistan 06:08 PM - 2024-05-02 -
Serok Bafil li Bexdayê ye bo hevdîtinê bi Mihemed Şeya Sûdanî re
Kurdistan 02:07 PM - 2024-05-03 -
Salvegera bombebarankirina Goptepe û Esker
Kurdistan 12:07 PM - 2024-05-03 -
Qubad Talebanî: Parastina azadiya çapemeniyê yek ji prensîbên min a siyasî ye
Kurdistan 03:20 PM - 2024-05-03 -
Dahata Silêmaniyê di heftiyekê de zêdey 26 milyar dînar e
Aborî 11:47 AM - 2024-05-03