Serok Bafil: Binpêkirina maf û azadiya jinan xeta sor e

Taybet

Serok Bafil

Serokê Yekîtiya Niştimanî ya Kurdistanê Bafil Celal Talebanî bi boneya hatina roja cîhanî ya jinan peyameke pîrozbayî belav kir û tê de piştevaniya Yekîtiya Nîştimanî ya ji bo têkoşîna jinan ji bo bidestveanîna mafên xwe dubare kir.

Naveroka peyama Serok Bafil Celal Talebanî wiha ye:

Bi boneya hatina roja cîhanî ya jinan ez pîrozbahiyê li hemû jinên Kurd dikim û bi taybetî ji dil û can silavên hezkirin û wefadariyê ji dayîkên şehîdên pakrewan re dişînim û spasiya dilsozî û berxwedana wan dikim.

Dîroka jinên Kurdistanê di têkoşîn û şoreşên curbicur ên gelê Kurd de geş û bi zêran hatiye xemilandin, lewra em hertim bi hurmet li wan dinirin û bi serbilindî wan bi bîr tînin.

Jinên Kurd di têkoşîna bidestxistina maf û azadiyan de wêrek û pêşeng bûn, ji bo wekheviya civakî û li dijî cihêkariya zayendî rawestiyan fedekariyên mezin kirin, niha jî di hemû qadên jiyanê de xwedî roleke aktîf û bibandor in. xwedî beşdarbûna berfireh di navendên biryardanê de ne.

Yekîtiya Niştimanî ya Kurdistanê hertim piştevan û piştevanê jinan bûye û şanaziyê bi wê yekê jî dikin û emê wek berê berevankar û bidestveanîna mafên wan bin û deriyên partî û saziyên me vekirîne ji wan re, rola xwe bi cih bînin û bi awayekî aktîf beşdarî qadan, çalakî û civakê bibin.

Me soz daye û em careke din soza xwe nû dikin, ku binpêkirina maf û azadiyên jinan xeta sor e û em rê nadin ku mafên wan bi ti hincet û navekî bên desteserkirin.


PUKMEDIA