YNKê: Destkeftiyên serhildanê dê bi yekrêziyê bên parastin

PUKMEDIA

Berdevkê Yekîtiya Niştimanî ya Kurdistanê Saadî Ehmed Pîre

Berdevkê Yekîtiya Niştimanî ya Kurdistanê (YNK) dibêje:“Parastina destkeftiyên serhildanê li bajar û bajarokên me û cîbicîkirina maddeya 140 a destûrê, tenê bi yekrêzî pêk tê û beravajî  di pêwendiyên me de, tu feydeyê nade me.’’

Gihêştin bi serhildanê ne hêsan bû

Berdevkê Yekîtiya Niştimanî  ya Kurdistanê (YNK) Saadî Ehmed Pîra bi boneya 33. salvegera serhildana gelê Kurdistanê civîneke çapemeniyê li dar xist û got:“Ne hêsan bû ku bigihêjin rojeke weke serhildanê, hilbijartinên parlamento û avakirina hikûmeta Herêma Kurdistanê, tenê di roja Enfalê de zêdetirî 180 hezar kes bi saxî hatin qetilkirin û gelek gund hatin wêrankirin.’’

Her wiha got: “Ew encama serhildan û azadiya gelê Herêma Kurdistanê ye, ku di heyama 33 salên borî de me 5 hilbijartinên Parlamentoyê pêk anîn û em ber bi hilbijartina şeşemîn ve diçin ku proseyeke demokratîk e.’’

Nerêkî têkiliyên me bi kêrî me nayê

Derbarê çawaniya parastina destkeftiyên serhildanê de jî berdevk wiha got:’’Pêkanîna xala 140 a destûrê tenê bi yekîtiyê pêk tê û nerêkî di têkiliyên me de tu feydeyê nade me.”

Bêhurmetiya li hember Pêşmerge bêhurmetîye li hember cîhanê ye

Saadî Ehmed Pîre di derbarê berdewamiya rola Pêşmerge de wiha got:“Her bêhurmetiyek li hember Pêşmerge, bêhurmetiya li hember hemû cîhanê ye, ji ber ku Pêşmerge bû ku li ser navê hemû cîhanê şerê terorê kir.’’
PUKMEDIA